沙隴餐廳

營業中

休息中

平時收工時間係大埔都會揀食米線，但呢幾日食左太多餐米線，所以揀左食第二最愛既茶記。沙隴差唔多每日收工都會經過，但食既次數就好少，見到人推薦佢既咖哩飯同奶茶就揀左咖哩牛肉飯同凍奶茶啦。咖哩牛肉飯上黎既賣相不過不失，份量偏大碟，岩我呢種大食怪，重點係多汁！撈飯一流，咖哩既味道微辣帶甜，係港式既味道，十分鐘就清晒成碟飯了。而凍奶茶既奶茶比例唔錯，怕肥既我永遠都叫少甜/走甜，少左甜既凍奶茶都依然醇滑，比例適中，係我中意既味道。下次諗唔到食乜既時候都會再黎試下佢其他碟頭飯，飲番杯凍奶茶。