更多
2019-04-03
269 瀏覽
香港美食裏面,我就最鐘意食車仔麵啦!最開心嘅係同朋友去食嘅時候,可以叫唔同嘅餸,大家交換食,叫三個餸就可以變做食六個餸啦!第一碗車仔麵叫左米粉,配料有蘿蔔,豬腸,雞翼,咖哩豬皮等。湯底係沙嗲汁同腩汁,雖然有兩種汁,但味道都唔算好濃,鐘意食濃味嘅朋友未必啱你。米粉正正常常,蘿蔔清甜夠淋,好味!咖哩豬皮入哂味,爽口彈牙!其他配料就一般啦。另一碗車仔麵叫左烏冬,配菜有手打墨魚餅,餃子,咖哩豬皮等等。湯底係蕃茄湯,蕃茄味道夠,唔錯!餃子大大舊,味道亦平衡,幾好味。值得一提嘅係手打墨魚餅,食得岀同岀面機制嘅墨魚餅唔同,墨魚味十足。呢個咖喱魷魚望落顏色好靚,份量亦多。食落無想像中咁有味道,魷魚亦有點過熟。如果咖哩汁濃啲就好啦!食飽哂都唔貴,叫埋小食一人都係60蚊多啲,係抵嘅。
第一碗車仔麵叫左米粉,配料有蘿蔔,豬腸,雞翼,咖哩豬皮等。湯底係沙嗲汁同腩汁,雖然有兩種汁,但味道都唔算好濃,鐘意食濃味嘅朋友未必啱你。米粉正正常常,蘿蔔清甜夠淋,好味!咖哩豬皮入哂味,爽口彈牙!其他配料就一般啦。
另一碗車仔麵叫左烏冬,配菜有手打墨魚餅,餃子,咖哩豬皮等等。湯底係蕃茄湯,蕃茄味道夠,唔錯!餃子大大舊,味道亦平衡,幾好味。值得一提嘅係手打墨魚餅,食得岀同岀面機制嘅墨魚餅唔同,墨魚味十足。
呢個咖喱魷魚望落顏色好靚,份量亦多。食落無想像中咁有味道,魷魚亦有點過熟。如果咖哩汁濃啲就好啦!
食飽哂都唔貴,叫埋小食一人都係60蚊多啲,係抵嘅。
張貼