Accro Coffee (已搬遷) 新店位置

呢間舖頭我係喺facebook 見到有人介紹先知元朗原來都有間精品咖啡店。不過自問自己唔係咖啡痴，精品咖啡就唔多識欣賞喇，普普通通嘅咖啡就分到味。今次嚟呢度又係午飯時間，上次已經食過佢嘅三文治，今次決定試下佢新出嘅蛋餅。咖啡首先上枱，而野食就要等幾個字。咖啡當然係正常野，唔會話太淡，岩晒我呢d想少少提神嘅人。當然個咖啡點都會有拉花嘅！而個蛋餅早餐亦算幾大份，d沙律菜好新鮮，個蛋餅就夠晒熱。當然蘋果都新鮮啦，佢配埋幾塊ham，成隻碟都full晒。好睇又好食！而且呢間coffee shop 都坐得幾舒服，唔會好似連鎖店咁迫咁多人，咁先有悠閒嘅感覺嘛！