Espresso Alchemy

營業中

休息中

上網見到有人推介咖啡多士，作為咖啡控嘅我無理由唔去試下呢度嘅裝潢其實幾靚，不過未到8點已經無人實在係令人疑惑，後尾我知點解喇。因為呢個時候menu的食物超過一半都無！連飲品都有好多無曬，好彩我個all day還在。alchemy精選全日早餐 $128等咗一大輪，終於等到食物，不過見到份all day嘅時候真心失望，half day咋下嘛？咁細份嘅？我仲諗住同朋友share...味道方面都OK嘅，起碼最期待嘅咖啡多士真係好濃咖啡味，咖啡醬保留到少少苦味，多士都夠脆，只係燶咗D。加分嘅位係佢有個幾fresh嘅乳酪，感覺無敢乾（視覺上都覺得乾），但除此之外其他都太hea，性價比極低。味增腌豬肩 $158可能係我哋食嘢比較淡味，呢個菜式比較鹹，肉唔難咬但唔會覺得想食多舊，嗰兩條菜真係純粹伴碟用，既然係咁嗰幾滴黑醋汁唔落會好D，因為唔係好夾，食落怪怪地，最後我哋直情放棄了😳latte $41呢杯咖啡係好飲嘅，夠香夠滑，份量調配剛剛好，值得慢慢品味，可惜其他特色飲品好多都無得叫。整體而言呢度應該純飲咖啡會開心D，同埋想食嘢真係要早D 喇。