星巴克咖啡

營業中

休息中

春節假期食得太多，係時候要減一減，所以lunch都只係食三文魚忌廉芝士三文治、肉桂丹麥酥，加杯焦糖Cappuccino，仲要係兩個人分。杯咖啡的確唔錯，味道香濃，奶泡香滑，佢加咗焦糖，飲落零舍香甜。件三文治唔知點解要整到綠色，個樣有啲怪，味道又食唔出綠色究竟係咩嚟。煙三文魚鹹鹹地，但係又食唔到有芝士味，整體味道只是過得去。肉桂丹麥酥好鬆脆，有少少驚喜，因為有乾提子做餡，甜甜地，好食。下次來，都係唔食三文治，要專攻丹麥酥、牛角包嗰類食品，因為佢地整得幾香脆鬆化。