鳴門魚湯麵亭 (已結業)

早幾日係銅鑼灣做完野想食烏東就諗起呢間鳴門魚湯麵亭， 之前都有食過㗎啦， 想食咪去食囉。 中午1:30 時間唔算好多人， 但又未到下午茶， 所以都係選 lunch set食喇有飯有麵， 都算多選擇嘅， 由$56-$78.套餐仲跟汽水同沙律㖭！我就叫咗呢個石鍋芝士咖喱牛肉讚岐烏東 $63咖喱係日式咖喱汁， 我本身唔食得辣， 所以特別鐘意日式咖喱， 加埋魚湯又 ok好食喎。讚岐烏東有彈性， 牛肉好腍材料份量都好多， 我連湯都飲埋㖭， 食得好飽喔！