鳴門魚湯麵亭 (已結業)

在香港吃到的日式烏冬和拉麵都是豬骨及醬油湯底為主，嗚門的湯麵主打鮮魚湯底，打破傳統日式湯麵的悶局，今日再次經過鳴門決定一試。我點了一碗石鍋魚湯安格斯牛肉讚崎烏冬。熱辣辣的魚湯一試難忘，飲得出濃濃的魚味，是真材實料，亦有薑絲辟去腥味。平時飲魚湯最怕放得耐變凍變腥，而鳴門用石鍋保温，魚湯飲到最尾都唔會有腥味。鳥冬質地煙韌爽滑，和魚湯好夾。牛肉雖然放在石鍋入面一直滾，都無變老，抵讚!日式湯麵除了大行其道的豬骨湯底和醬油湯底外，魚湯也是個不錯的選擇!

其實已經食過鳴門好多次，以前都算多人，隨住拉麵潮襲港，鳴門晚市人流都大不如前。好怕有日再上銅鑼灣廣場再冇鳴門食，好，入正題。平時食開牛肉魚湯烏冬，今日胃口唔係幾好想食啲酸咪咪嘢，就叫左石鍋豬軟骨烏冬(蕃茄湯底)。其實有時出街叫蕃茄湯底都會驚中伏，因為好怕好怕好怕茄膏味！鳴門蕃茄湯係真係有蕃茄，感覺係佢基底個豬骨湯再掉啲蕃茄落去煲，唔係用茄膏hea做，整體酸酸甜甜好開胃，明明飽都忍唔住飲哂啲湯。豬軟骨件件大大舊，一碗成三四舊，因為太多都分左啲比男朋友食，豬軟骨好入味，軟骨未有煮到啫喱狀，我比較鍾意呢隻仲有骨咬咬下嘅煮法，冇咁膩。嗚門啲烏冬全部用石鍋上，上枱基本上係滾住上，怕熱嘅要等一陣先食得，但佢啲烏冬都幾經得上考驗，長期浸喺一定熱度嘅湯到都保持彈牙咬口，食到尾都仲係煙煙韌韌。真心推薦！

初試招牌魚湯烏冬，晚市單點。魚湯食得出真材實料，多薑去味。魚肉各花入各眼，肉質比較實，肉少，男性黎講唔夠食。烏冬麵底還可以，不算特別，似惠康買既日本烏冬。 整體可以一試這特別魚種，再來食就有保留。

呢間店好耐之前食過幾次，對於佢個蕃茄湯底一試難忘，每次黎都係叫我既例牌😍石窩燒雞扒讚歧烏冬（$75)🍅。佢個石窩真係好熱，係食到超辣咀。冬天食真係唔錯，夏天食應該會標汗。 我唔係好食得熱所以會分碗灘凍黎食xD 呢碗野快極都要食半個鐘，所以趕時間唔好嗌啊。一上台已經滾到b 呢bu lu, 個蕃茄湯超正超濃郁💕帶點昆布味，d 烏冬索晒味，好鍾意佢食到尾都keep 住咁彈牙。入邊仲有勁多粟米，昆布，洋蔥，蕃茄。不過係個雞扒略嫌乾身左d, 不過無阻我對蕃茄既熱情👅，最後成窩清晒，好飽好滿足👍🏻

星期六諗住黎呢到食LUNCH, 食到把鬼火。2個人入黎食，明明有4人檯而且無咩人，都唔安排我地坐埋邊，要我地2個坐中間張大檯，逼逼地望住對面食野感覺有D怪姐，本身都無咩野，諗住可能真係要預返D 位畀4人坐啦點知食食下見到有對男女2個人入黎，佢地竟然可以坐埋邊4人位，個下真係火都黎，點解佢地可以坐4人位，而我地早黎就要坐中間，之後仲要隔離坐左7個內地客好嘈，唉，不過都算，講返野食先~叫咗個魚湯鮟鱇魚烏冬，雖然用石窩上好特別，但可能個窩太熱，D 鳥冬係煮到爛開嘅，入口完全係粉開無烏冬味，淡而無味，連魚湯味都無，可能因為寫到爛開嘅開係，烏冬仲要部分係痴底嘅，而因為我未食過鮟鱇魚，唔知係咩樣，黎到見到嘅只係幾舊骨多過肉，又細舊嘅魚肉，仲有有1-2舊D 骨打橫插晒出黎，想食都食唔到。而且好重油份，成碗湯湯底都係魚油……食到中間先慢慢食到有魚味，不過係好輕嘅魚腥味，真係好唔掂囉。成78蚊碗烏冬仲要加1，兩個人總共食左161蚊，但真係唔值囉。

食物真係一般。第一樣上枱的係石窩烏冬，熱辣辣，個湯好白好濃，睇落似粥。第二樣，滑蛋吉烈豬扒飯。失望。一點不滑。似煎芙蓉蛋，“鞋十十“又冇洋蔥，又冇汁。日式經典小食，煎餃子。雖然知唔係新鮮包的，但上碟都應擺靚下嘛。最驚訝係，服務員跟經理傾計太投入忘型，半揭起T shirt玩肚臍。情況太突然影唔切。。。

係銅鑼灣焗完油最好就係附近搵好嘢食，行過見到大大個招牌就openrice 一下睇吓食咩一搵原來係石鍋烏冬嘩 正啊 即刻衝上去試一試佢石鍋豚肉烏冬要注意嘅係 上檯時啲湯真係仲翻滾梗，唔係流架！豚肉好好味啊好少可食到咁正嘅豚肉，湯又好飲，好耐冇寫過咁正嘅石鍋烏冬喇，非常值得推介在此之後，我食完一次又一次，翻撻又翻撻睇嚟我對石鍋烏冬真係冇乜抵抗能力哈哈Btw 除咗烏冬，其實餐廳仲有石鍋芝士撈飯可供選擇，見其他人食過，芝士多到拉曬絲架

My Order:Lunch Set - 石鍋魚湯野菌活蜆烏冬 ($73)Lunch Set - 石鍋溫泉玉子芝土豬軟骨飯 ($68)Lunch Set - 石鍋魚湯野菌活蜆烏冬一上桌湯還是滾的，蜆都很大一顆。魚湯湯底很入味，烏冬的質地亦不錯。Lunch Set - 石鍋溫泉玉子芝土豬軟骨飯很邪惡的石鍋飯，滿滿的芝士蓋著豬軟骨飯，芝士的表面還很用心有燒過，變得焦焦的溶到飯裡。豬軟骨也有三到四塊，很入味=D飯中還有玉米粒和海苔，配著吃很豐富的味道!

今日本身諗住去UCC食lunch, 但系見到UCC門口已經有好多人排緊隊, 所以就去左隔離嘅鳴門魚湯麵亭食🤓間店唔大一眼望晒 雖然位置偏窄 但係坐得都幾舒服 今次我叫左一個石鍋魚湯野菌活蜆烏冬($73)上菜嘅速度都算快大概5分鐘👍🏻石鍋上到枱嘅時候溫度仍然好高 所以魚湯仲bok bok聲滾緊💓望到都好滾動🙏🏻不過相信如果係冬天食會更加滿足🤤蜆唔會太細隻太少但正正因為石鍋令湯嘅溫度持續好高d蜆都好快變得有d韌😐魚湯都幾濃 但係時間耐左食到最後嘅時候湯就會變稠😰讚岐烏冬口感彈牙😍整體黎講烏冬份量都算多 吾洗擔心吾夠食😉但系粟米份量如果可以多d就好啦😛

魚湯湯底簡直不知所謂，真係唔掂，食三哥五十蚊都贏距幾條街都唔知點樣可以評判到呢幾款推介，fd食魚湯魚拉麵又係甘，一樣難食原本諗住叫個飯，望落個溫泉蛋帶子牛肉飯好似幾好，結果fd叫埋都係一致認為難食！！實在難忘，唔怕可以黎試下

早幾日係銅鑼灣做完野想食烏東就諗起呢間鳴門魚湯麵亭， 之前都有食過㗎啦， 想食咪去食囉。 中午1:30 時間唔算好多人， 但又未到下午茶， 所以都係選 lunch set食喇有飯有麵， 都算多選擇嘅， 由$56-$78.套餐仲跟汽水同沙律㖭！我就叫咗呢個石鍋芝士咖喱牛肉讚岐烏東 $63咖喱係日式咖喱汁， 我本身唔食得辣， 所以特別鐘意日式咖喱， 加埋魚湯又 ok好食喎。讚岐烏東有彈性， 牛肉好腍材料份量都好多， 我連湯都飲埋㖭， 食得好飽喔！

Sogo週年大酬賓，血拼前當然要醫飽個肚。就在附近找間食店，蒲入店內，打開餐牌，即見到2個signature 推介👍🏻的石鍋飯，於是二話不說下單了。頭炮：芝士豬軟骨石鍋飯，仲可以叫多芝士添，是滯的，但味道非常好。另一個：帶子牛肉，um ~帶子有磯燒味，帶子不un,牛肉和帶子都感受到先用心煮過再加入飯中再煮。加上特配醬汁，每一啖飯的味道也相當入味。😊這2個石鍋飯絕對可以媲美一些上流的煲仔飯👍🏻另外，還叫了一個大阪燒，蛋略煎老了，味道也可令想念大阪的你，來止一止癮的。本人覺得以這個價錢，在銅記，找到這質素的石鍋飯，真的不錯，經過的絕對值得一試😋

話說鳴門其實已經食過好多次啦但係不得不提每次佢都唔會令我失望保持返一貫嘅水準 今日竟然行過銅鑼灣唔知食咩嘅時候又畀我撞到鳴門 咁擇日不如撞日 就嚟個招牌鮟"魚康"魚湯烏冬啦之前都有去過西營盤嗰間 嗰間就貌似居酒屋 而銅鑼灣呢度嘅佈局又有啲唔同但係坐得都相對舒服嘅 Order完之後過咗一陣 一碗新鮮滾熱辣嘅石鍋鮟"魚康"魚湯烏冬就上枱啦 每次送到嚟既時候 啲湯都係非常之熱同接近滾瀉㗎喇 有時真係登啲員工有啲擔心 但其實呢個又算係佢哋嘅特色之一滾魚湯再加上質地彈牙嫩口既魚 有機會行過銅鑼灣唔知食咩嘅時候可以嚟試下

本來想食韓燒，但在銅鑼灣覓食實在很貴，故到此一試，竟然沒想到有如此味道，很有驚喜鮟鱇魚湯底香濃，加上熱辣辣的石鍋，震撼味蕾最高境界，唔加牛肉更顯鮮味豬骨湯足料，味覺享受一流，石鍋好熱，要吹一吹才食，否則燙到舌頭，豬軟骨好軟好有膠質鐵板帶子配搭配菜，味道很夾，配菜的調味不會喧賓奪主，有層次感芝蔴雞翼味道特別，有一種淡淡的芝士味以石鍋為主題，十分有心，願呈現最新鮮最滾熱辣的味道給你，一試難忘值得一試再試，好想試晒所有湯底

夜晚九點後，剛完成facial, 一身油頭粉面帶著個餓著的肚仔，想吃飯或拉麵但又怕胖怕油，來一個冷烏冬就最好不過！今次order了我認為是全menu 最低卡路里的温泉玉子冷稻亭烏冬，鐘意它夠清夠chewy, 而且夠冷夠fresh, 烏冬軟硬度剛好，容易入口，加上流心溫泉蛋，清香得來飽肚。如果不怕攻鼻，還可以加wasabi 刺激一下！整體來說，這個宵夜看落平平無奇，但我吃得幾滿足！