再興燒臘飯店

營業中

休息中

如果當年米芝蓮食到我碟燒排骨拼燒肉飯，我唔信佢有米芝蓮。2015年攞米芝蓮，個名食到而家，如果真係做得咁好，就好似人哋咁年年都咁keep住攞米芝蓮啦。清醒下，各位。我食到嘅呢碟飯，我真係最多只能俾2星。平時屋企斬料返嚟，出街食過嘅燒味鋪都好過佢。燒排骨拼燒肉飯燒肉，層皮完全唔脆，未食見到佢層皮燒到唔起化都知佢得個韌字。再加上，切都無切斷都繼續上碟，有冇尊重下自己作為斬料師傅嘅頭銜。同埋，超級鹹，死鹹，本身燒肉偏鹹我知道！自己已經重口味，但真係鹹到要飲好多水，食咗兩嚿唔想再食。燒骨，啲肉好柴，又無蜜味。啲飯嘅質地，就同出面茶餐廳一樣，鬆散。油雞拼叉燒飯叉燒，普通，平時屋企斬料加餸啲燒味舖仲好食過佢，如果想食有蜜汁味嘅叉燒，對唔住，無。油雞，無乜味，都係好普通。如果選擇食，請不要抱著食米芝蓮等級味道，不然，失望而回就太無癮。