蠔灣 (金巴利道)

營業中

休息中

海鮮生蠔個盤下面散發住淡淡既藍光，好有情調🥰侍應serve既時候有介紹食生蠔既次序：由檸檬片順時針方向食，淡味至濃味，隻隻都好飽滿。我最鐘意第三款，鮮味濃郁仲好creamy😝😝北海道帶子好厚身，味道好鮮甜。法國藍蝦同手掌一樣咁大隻，肉質彈牙。拼盤可以自由配搭，鐘意放咩海鮮都得🦞食完刺身，開始食熟食。侍應都好快手，一見到我哋食完刺身就好快上熟食。法式鵝肝多士每片鵝肝都煎得岩岩好，好香脆，油香滿滿。龍蝦忌廉意粉好足料，有大大舊龍蝦肉，一啖啪落口，唔洗拆，好正😘意粉忌廉汁仲加入左龍蝦膏，所以龍蝦味會特別濃郁，好香口。