陳儀興飯店 (嘉悅)

營業中

休息中

約咗住在將軍澳的老友聚餐，選了在至善街的嘉悅食潮州菜館 ~#陳儀興飯店 ，我們未夠7點便到達，故人流不太多，坐低食住花生🥜，便慢慢㨂選食物囉。首先點左食潮州菜一定會叫嘅滷水鵝片，份量好多，肉質柔軟入味，配埋酸醋更加開胃，墊底仲有爽口芽菜。滋補燉湯-蟲草花雪耳燉雞湯 ，好足料煲到夠晒火喉，飲落順喉舒服，味道清甜。豉汁蒸大白鱔，魚肉質爽彈，用上豉汁一齊蒸很惹味，墊底仲有豆腐，索晒汁精華好惹味。凍食黃油烏頭，上枱時條魚尾掛住個元朗認證的標籤😁，魚肥美黃油、咸香味十足，我沒有點醬都已覺得好味。