品越越式料理 (雅蘭中心) (已結業)

今晚同家人行完旺角，本想行過去郎豪坊個邊搵食，就係雅蘭旁邊見到佢，就轉個念頭上了去，餐廳地方夠晒大，而且有喜歡嘅越式選擇，一上樓梯轉左就係個門口，旁邊重有㗎綿羊仔擺係度做擺設，可惜有人，入內餐廳都闊落，有充足嘅座位，有梳化位、圓枱、長枱、靠窗位都有，張椅都夠實穩座得十分舒服！望主餐牌選擇十分多，慢慢望，見到最愛嘅雞翼，當然要點嘅法式牛油雞翼(4隻)$62，同越式嘅紫蘿牛肉米紙卷$72，同限量供應嘅品越燒乳豬$188，再加埋個越式黑白芝蔴雞$148，今晚由我發板當然以肉為主啦！廚房效率高，店員落單等一陣就出現，最快當然係個越式黑白芝蔴雞半隻，雞上面鋪了黑白芝麻，基本上任何一件雞都有，入口夠晒軟熟嫩滑，而且夠晒肥美，配埋個三款醬油入口更加美味，喜歡食雞嘅朋友必吃之選！跟住就係紫蘿牛肉米紙卷，賣相精緻，六件排列整齊放在碟上，薄薄嘅米紙卷住牛肉同酸甜子薑，爽口青瓜條煙韌粉絲，入口有多重口感，夠晒醒胃！而法式牛油雞翼就真係夠晒味道，入口完全感受到雞肉個種完全吸滿香噴噴嘅牛油味道，只要在口中就能感受到，而且炸得十分香脆肉質嫩滑軟熟！而個品越燒乳豬亦十分好味，用皮脆肉嫩去描述就十分貼切，燒得皮薄香脆