うまい鮨勘

營業中

休息中

海港城美食包羅萬有，單日本菜選擇都好多，呢晚就試試評價參半的Umai SushiKan-🍣廚師發辦壽司盛一共12件，各樣魚生都夠新鮮鮮甜，味道配搭上未有大驚喜，當中以海膽味道甘甜肉，大拖羅入口即溶較出色。壽司飯用既珍珠米要好食理應帶有甜味，加上醋等調味豐富味道，但可惜當晚所食既飯粒只做到粒粒分明，味道上卻平平無奇。-鰻魚玉子燒鰻魚與蛋比例半半，食到鰻魚香，肉質尚算軟棉，但欠缺炭燒香，賣相不工整亦稍遜。總括：由於餐廳走中高價位檔次，要求相對會提高，魚生新鮮係基礎，期望能在食材配搭/調味上提升層次。店鋪設有吧台（可與廚師交流）、卡座位，環境輕鬆，當晚晚餐時段都有不少客人，由於我較遲入座，就算接近關門時間，店員服務能保持良好態度。