影片
更多
2019-04-10
178 瀏覽
每年莆田有蟶子節，我地一定會黎食一次，呢度嘅蟶子黎自莆田哆頭村，較短身同肥美，同一般香港食到嘅蘇格蘭蟶子唔一樣。有八種食法，$198任揀兩種，我地揀左蒜蓉蒸蟶子同紅菇鮮蟶湯。蒜蓉蒸蟶子份量好大，蒜蓉切得好碎，真係變成蓉，完全融入蟶子，蒸嘅時間岩岩好，加埋豉油一齊食勁鮮味。紅菇鮮蟶湯，第一次聽同食紅菇呢種菇菌，上網睇話佢係菇中之王仲有抗癌作用，好有營養價值。湯飲落濃味亦都好鮮甜，係特別而且討好嘅味道，蟶子可能吸左湯，比蒸嘅肥美，亦都更有鮮味，有驚喜。冰浸苦瓜係老公揀嘅，佢話清熱氣喎，我怕苦瓜嘅苦味，但凍同點埋蜜糖一齊食，又唔錯喎，苦味走哂，好清涼。莆田荔枝肉望落同咕嚕肉差唔多，炸得香脆，夠juicy又夠淋，醬汁沽滿每一舊肉，仲有啖啖荔枝味。莆田扁肉湯係類似魚皮餃同豬肉餃子嘅混合體，好有肉味，口感有少少彈牙，我地鐘意食個餃子之餘覺得加埋紫菜嘅湯都好好飲。興化米粉今次第一次叫，純粹驚唔夠飽點埋，係令人印象非常難忘嘅一道菜。米粉質感特別，食落似棉花咁輕，配料有海鮮、紫菜同時菜，每條米粉都吸滿汁，但又唔會太乾太濕，下次一定會再食。個米粉好食到我想買埋返屋企煮，哈哈，不過份量都幾多，可能下次先買黎
每年莆田有蟶子節，我地一定會黎食一次，呢度嘅蟶子黎自莆田哆頭村，較短身同肥美，同一般香港食到嘅蘇格蘭蟶子唔一樣。
有八種食法，$198任揀兩種，我地揀左蒜蓉蒸蟶子同紅菇鮮蟶湯。
蒜蓉蒸蟶子份量好大，蒜蓉切得好碎，真係變成蓉，完全融入蟶子，蒸嘅時間岩岩好，加埋豉油一齊食勁鮮味。
紅菇鮮蟶湯，第一次聽同食紅菇呢種菇菌，上網睇話佢係菇中之王仲有抗癌作用，好有營養價值。湯飲落濃味亦都好鮮甜，係特別而且討好嘅味道，蟶子可能吸左湯，比蒸嘅肥美，亦都更有鮮味，有驚喜。
冰浸苦瓜係老公揀嘅，佢話清熱氣喎，我怕苦瓜嘅苦味，但凍同點埋蜜糖一齊食，又唔錯喎，苦味走哂，好清涼。
莆田荔枝肉望落同咕嚕肉差唔多，炸得香脆，夠juicy又夠淋，醬汁沽滿每一舊肉，仲有啖啖荔枝味。
莆田扁肉湯係類似魚皮餃同豬肉餃子嘅混合體，好有肉味，口感有少少彈牙，我地鐘意食個餃子之餘覺得加埋紫菜嘅湯都好好飲。
興化米粉今次第一次叫，純粹驚唔夠飽點埋，係令人印象非常難忘嘅一道菜。米粉質感特別，食落似棉花咁輕，配料有海鮮、紫菜同時菜，每條米粉都吸滿汁，但又唔會太乾太濕，下次一定會再食。
個米粉好食到我想買埋返屋企煮，哈哈，不過份量都幾多，可能下次先買黎同屋企人一齊食。
臨走飲返杯薑茶，係滿意嘅一餐。
張貼
