小桃園海鮮酒家

營業中

休息中

今日老豆生日，一家人十幾個去咗流浮山食海鮮，屋企人行最前，我行最後拎住左個蛋糕，入到去鋪裡面，交咗個蛋糕比個樓面，個樓面將蛋糕擺低左喺張枱度，不停問我坐幾多號枱，因為我只係啱啱行入去，我都唔知坐幾多號枱，跟住亞妹番轉頭同我講原來搞錯左，我地入錯鋪，當我想同佢地道歉時，其中一個樓面就大聲狂叫左幾次「拎番走你個蛋糕！拎番走你個蛋糕！」另一個樓面就大叫「揸左車黎要揸番走！」（但我地係冇揸車）！當時真係好嬲，個蛋糕我一定會拎走，洗唔洗咁呢？雖然今次唔係幫襯佢地，但有經過今次嘅誤會，如果再去流浮山食海鮮都唔會幫襯呢間「小桃園海鮮酒家」！我覺得食物好唔好味係其次，最重要係服務態度！