榮記粉麵

營業中

休息中

上次食過覺得唔錯，今日專登走落去食，佢哋嘅車仔麵係唔錯，啲餸好入味，鐘意食佢哋啲豬皮蘿蔔同豬紅，不過呢間野啲員工冇論男或女態度都唔好，今日除左手袋外仲拎住其他野，見冇咩人就放低啲野嚮另一張櫈，點知有個女員工就好串態度叫我空返張櫈出嚟，咁我都狽返住個手袋放大脾再坐入啲，但手抽果袋真係冇晒位放，如果放埋嚮手袋之上根本就頂住食唔到野。然後個西面女店員又再叫我空返張櫈出嚟話啲櫈唔係比你放野，果刻我真係有啲著著地，但自己明白人哋地方有限要做生意唔怪得人，咁我就話，我都唔知仲可以放邊咁你哋有冇地方比我擺袋野啊？跟住西面個女店員就用鬧人嘅語氣態度非常串咁話：放地下囉！！！我望完個地下之後當然拒絕冇理佢，然後另一女店員就過嚟望到我真係冇辦法，佢就話一係你將擺野張櫈推後而，你再坐入啲比返個位出嚟啦。就係咁事情解決左，經過呢件事我決定就算再鐘意食都唔會再光顧，反正佢哋亦唔怕冇人幫襯，我亦冇必要比錢買氣受。