影片
更多
2021-10-11
2079 瀏覽
一行12人同阿媽慶生日, 真係「慶」生日, 試下新野, 尼到柴灣家嫂 入場時員工好似衞生幫咁, 呼喝式叫你用安心出行, 埋到位乜都未介紹, 白坐左十幾分鐘, 又係呼喝式出示針咭. 黑佢面好似欠左佢咁. 問佢任食果度點叫, 淨係識強調魚生船只可以叫一次. 其他小食, 海鮮, 雞煲任食要叫佢尼先尼添. 七點食到十點.「任食」有必須跟足次序 先食小食, 再食魚生船, 再食雞煲然後先到火鍋. 小食只有蝦多士係好食, 其他唔知點, 因為佢出小食出得太孤寒, 我食唔到其他小食魚生船成隻龍船咁大, 得隻船大, 放左上轉盤係唔可以轉, 食到船尾隻蟹食唔到船頭D 魚. 唔要隻船上碟的話, 一隻大碟攪掂 ,魚生份量只夠六人食, 爭鮮質素. 仲會催你拿拿聲夾埋D 魚生走, 快D 上雞煲! 雞煲我地叫小辣, 唔夠熱, D 肉入面凍的. 添左一次D 肉煮佢耐D , 又係一樣. 請留意! 個次序係你要食夠個雞煲, 即係如果你想再食雞煲, 跟住後面任食火鍋海鮮係唔會供應住, 咁即係你要成圍人每一個人都唔想再食雞煲先可以去下一Part 任食邊爐. 咁我地叫住D 小食先啦! 等到個煲都見底都未上小食. 同樣地, 你食食
入場時員工好似衞生幫咁, 呼喝式叫你用安心出行, 埋到位乜都未介紹, 白坐左十幾分鐘, 又係呼喝式出示針咭. 黑佢面好似欠左佢咁. 問佢任食果度點叫, 淨係識強調魚生船只可以叫一次. 其他小食, 海鮮, 雞煲任食要叫佢尼先尼添. 七點食到十點.
「任食」有必須跟足次序 先食小食, 再食魚生船, 再食雞煲然後先到火鍋.
小食只有蝦多士係好食, 其他唔知點, 因為佢出小食出得太孤寒, 我食唔到其他小食
魚生船成隻龍船咁大, 得隻船大, 放左上轉盤係唔可以轉, 食到船尾隻蟹食唔到船頭D 魚. 唔要隻船上碟的話, 一隻大碟攪掂 ,魚生份量只夠六人食, 爭鮮質素.
仲會催你拿拿聲夾埋D 魚生走, 快D 上雞煲! 雞煲我地叫小辣, 唔夠熱, D 肉入面凍的. 添左一次D 肉煮佢耐D , 又係一樣.
請留意! 個次序係你要食夠個雞煲, 即係如果你想再食雞煲, 跟住後面任食火鍋海鮮係唔會供應住, 咁即係你要成圍人每一個人都唔想再食雞煲先可以去下一Part 任食邊爐. 咁我地叫住D 小食先啦! 等到個煲都見底都未上小食. 同樣地, 你食食下火鍋, 你又想食番雞煲係唔可以.
中途想留番碟wasabi 豉油點下火鍋料, 幾個阿姐輪流拎住個痰罐咁既野, 一野放上張枱度叫你地自己倒D 骨骨殼殼入去, 仲「一定要」係「一定要」倒埋你之前碟wasabi 豉油入去, 連醬帶碟咁放入去個痰罐度. 你想留番尼點野佢會黑你面同又再三咁「叫」你合作.
紅酒白酒任飲係好似老人院派藥咁, 定時7 點 8 點 9點咁推架酒車過尼問你要唔要, 其他時間問都冇. 咁我叫住D 啤酒先, $38蚊大藍妹, 唔夠凍, 有冰桶.
去到「任食」火鍋, 我地一行12人 佢比個四人火鍋GAS 爐, 十年都唔滾, 幾經要求佢先話我地張枱個電爐係壞左「係咁架啦」一句就走左去. 我地同佢講「如果個鍋唔滾, 你咁多急凍海鮮, 我地是但一個人食完肚痛咁點? 」一樣唔理, 個仲成日收左個煲蓋走, 對住成盤好似雪條咁既海鮮, 12人就眼光光睇住個爐, 結果再追問佢有冇其他爐或者枱, 先有個好很悔氣既阿姐拆一張吉枱既電爐過尼換, 一邊換仲要一換講好多悔氣說話, 換個爐只係兩分鐘, 明知張大枱個爐係壞都唔換定.
每人 $312 加 一 其實都知唔會對食材太大要求, 但D 沙巴件臭嘅, D 蠔雪到乾屍咁, 等佢解一解凍仲流哂鼻涕, D 蟹OK, 但唔係件件都有打爆殼, 亦冇工具提供, 扇貝正常, 草蝦正常. 鮮蔬盤有如凋謝的花, 唔知放左幾耐, 入面棵生菜係一整棵未切頭, 要自己meet . 三寶丸有強大雪味, 餃子正常. 仲要搵個雀籠尼放炸魚皮加一包烏冬. 全個火鍋部份最好食係佢. 甜品有榴槤, 西米, 同埋唔知咩味雪條. 全晚最好食係雪條.
10000000000% 冇下次.
題外話/補充資料：
大約於八點半左右, 隔離大枱天花冷氣表演水舞間, 一條水住注水式漏足半個鐘, 員工只提供水桶, 要大力要求阿姐可否移開少少張枱, 最後番討論才可以繼續晚宴.足可見員工服務對象只有佢老闆, 客人最好比錢拍枱走人.
(以上食評乃用戶個人意見 , 並不代表OpenRice之觀點。)
張貼