LN COFFEE

營業中

休息中

第1次食呢間素食餐廳，環境好舒服，員工服務都好好，有禮貌。我地入到餐廳，首先叫我地坐係門口睇住菜單，揀定有咩食。門口位都有d包裝小食賣。等左10分鐘左右，就可以入座喇，先係櫃台買野食，佢地就會送到客人座位。我叫左個黑椒素牛扒意大利粉，食落口唔會好濃味，加上少少蔬菜粟米，個口感好FRESH，唔會話好肥膩，岩哂正在減肥既我。呢個係套餐，所以會有個是日靚湯，今日係南瓜湯，好足料，好正！而飲品係我最愛既cappuccino，雖然唔會好似出面用鮮奶咁滑身，但飲完一d都唔會話好滯，很好呢！午餐黎講，價錢就會比較貴少少，不過係值得1試既，下次都會再黎食其他野。