唐記包點 (吉利徑)

營業中

休息中

唐記包點應該無人不曉，美孚呢個唐記包點都開左一段時間，定期都會推出一D新產品。有時夜晚屋企無飯開或者買定第二日既早餐，唐記就係不二之選。今日下午路過唐記時，個肚有D餓，埋去望下有咩食先。有款黑麻蓉包都推出左一段時間，但我從未食過，所以就買一個返屋企做下午茶。今日菜肉包仲有優惠，所以隨便買一堆凍包留返聽朝做早餐，可以慢慢在家沖杯咖啡，食住個包做早餐。講返個黑麻蓉包先，一擘開個包就見到滿滿既黑麻蓉。雖然唔係流心，但黑芝麻好香。咬落去唔會好甜，但好重黑芝麻味，好香，非常好味。菜肉包好足料，皮薄肉厚，本身$7.5一個己經好抵食，今次撞正每日優惠，仲更加抵食。