BAKE Cheese Tart (已搬遷) 新店位置

當BAKE cheese tart一出的時候，銅鑼灣Sogo的人龍長到分幾條隊，排到去後樓梯，仲要排成45分鐘，都仍然好多人樂此不疲的去排，小妹亦係其中一個，哈！ Sogo食層重開後，舊有的舖位已轉了QY, 賣鹹甜撻，初時仲以為BAKE執左，原來搬左去斜對面，細間左一半！連隊都唔使排就即刻買到！價錢一樣$20 一個， $110六個。買完放了室溫兩小時後放入微波爐叮左幾秒，中間必d熔左既芝士出黎，賣相夠洒吸引！一啖咬落去，有d乳酪feel, 甜中帶酸，而個脆皮就冇咩特別。第一次食會覺得幾好味，再食就覺得只係普通一個甜品。買既時候係晚上9時多，我向店員提出要新鮮出爐的撻，但被拒絕，原因係d 撻好熱，但我話并不是即食的，店員就話，新出爐的撻拱起放不入紙盒(一定夠位)。其實仲有約一小時就收舖，剩餘的幾十個撻會怎樣處置呢？為何在收舖前不把最新出爐的俾顧客呢？這樣的解說，難怪越來越少人幫襯！