影片
更多
2016-11-23
226 瀏覽
平時響旺角東，想搵個地方舒舒服服飲下野食餐飯都幾難，新世紀廣場既餐廳成日都要排隊又食到趕頭趕命咁，所以今日特登search下附近既好餐廳。見到好多人都介紹呢間Mini Club，之前去過銅鑼灣既分店印象唔錯，今日決定同朋友黎食個飯飲下野！《海之幸福摩天輪 $118》天荒地老流連在摩天輪...見到呢個咁別緻既幸福摩天輪，女孩子既抵抗力一定會下降！呢個亦都非常適合一大班朋友分享，摩天輪有多種炸物，包括：炸蠔、炸蟹鉗、炸魷魚圈、仲有炸蝦！難怪會叫海之幸！原來係主打海鮮炸物！全部炸物都炸得金黃，唔會太油膩。當中既炸蠔炸得外脆而內軟，咬落去既時候感覺到蠔汁滲出，非常美味。《What the Duck $108》哈哈相信好多人都被呢杯飲品既名吸引，但隻咁可愛既鴨仔竟然配上呢個咁有趣既名!當望到呢個鴨鴨既時候，我都諗左一下杯cocktail響邊呢？ 其實響鴨既浴缸中，非常趣緻！味道帶果汁香味，帶有菠蘿同奇異果既酸甜味道，旁邊仲有爆炸糖為你帶來刺激既感覺！《黑松露芝士火鍋 $248》當響menu見到芝士火鍋，立即雙眼發亮！本來都擔心酒吧食物好極有限，不過呢度都真係令人眼前一亮。侍應哥哥小心翼翼咁將火鍋
見到好多人都介紹呢間Mini Club，之前去過銅鑼灣既分店印象唔錯，今日決定同朋友黎食個飯飲下野！《海之幸福摩天輪 $118》
天荒地老流連在摩天輪...見到呢個咁別緻既幸福摩天輪，女孩子既抵抗力一定會下降！呢個亦都非常適合一大班朋友分享，摩天輪有多種炸物，包括：炸蠔、炸蟹鉗、炸魷魚圈、仲有炸蝦！難怪會叫海之幸！原來係主打海鮮炸物！
全部炸物都炸得金黃，唔會太油膩。當中既炸蠔炸得外脆而內軟，咬落去既時候感覺到蠔汁滲出，非常美味。《What the Duck $108》
哈哈相信好多人都被呢杯飲品既名吸引，但隻咁可愛既鴨仔竟然配上呢個咁有趣既名!當望到呢個鴨鴨既時候，我都諗左一下杯cocktail響邊呢？ 其實響鴨既浴缸中，非常趣緻！味道帶果汁香味，帶有菠蘿同奇異果既酸甜味道，旁邊仲有爆炸糖為你帶來刺激既感覺！
《黑松露芝士火鍋 $248》
當響menu見到芝士火鍋，立即雙眼發亮！本來都擔心酒吧食物好極有限，不過呢度都真係令人眼前一亮。侍應哥哥小心翼翼咁將火鍋放低，然後放入蠟蠋，黑松露既香氣隨即湧現。旁邊既配料包括麵包、煙三文魚、青口、北寄貝、火腿、香腸、韓國即食麵、西蘭花、粟米、磨菇，種類真係好多同好有創意！
當見到火鍋開始滾起，我已經急不及待將麵包放入，四面沾上芝士，好邪惡但我已經豁出去！麵包既空氣感較重，所以好吸收芝士醬。芝士醬濃郁而香滑，咸味充足而帶黑松露香味。
韓國即食麵可說是創意之作！即食麵已預先煮好，放入芝士數秒後已經可以撈出。麵既口感煙軔而偏硬，食起來相對有口感。但從碗中叉起時需要小心啲，因為未放入芝士中既麵會黏在一起，如果太暴力會好易斷開。
第一次將北寄貝放入芝士中，北寄貝質感煙軔，與芝士混在一起感覺十分特別。《三味炸雞 $72》
推介推介！炸雞真係好好食，我食到停唔到口，連啤酒一齊食一流！炸雞炸得金黃，肉質鮮嫩，沾上芥末醬後十分惹味！而旁邊既薯條亦十分香脆，我將薯條放入芝士火鍋中數秒更好味！
最後一提係侍應哥哥服務非常好，經常收拾枱上既碟同整理食物既位置，令我地坐得更舒服，即使我地坐響餐廳最入既枱都唔會感覺被忽略，抵讚
張貼
