Ann姐泰國菜 (已結業)

星期六夜晚8點左右，見唔洗等位就有得入，所以就抱住一試既心態去食。坐低嗰下先望個餐牌，本身想叫碟菜食，但見到個價錢有少少卻步（因為成$88）。好彩未落單，咁啱見到隔離叫左碟菜，嘩！細碟到...半斤菜都無，就收$88，梗係唔會叫啦！最後我地叫左泰國菜必叫既冬陰公、香葉肉碎炒飯同烤尤魚。首先上枱既係香葉肉碎炒飯。炒飯略為濕，無乜肉碎，味道尚可接受，但裝飾既菜令碟飯略為減分。之後上既係冬陰公，我地叫左個細既（佢有個大既，價錢差幾廿蚊左右，問店員個size幾大分別,佢話唔大分別）。個湯唔算辣，但比出面一般食開既較酸，蝦得三隻，都算大隻。但佢落既落唔係一般會落既草菇，係秀珍菇同珊瑚菇。最後上菜既係烤尤魚。以價錢黎講（$88），都算係大隻，食落有烤既味道，口感唔會因爲烤而好乾，但佢俾既醬汁就細碟到唔夠點，而且唔點就咁仲好食。算係三碟入面較滿意既一碟。其實唔計食物，環境坐落唔係好舒服，同隔離枱完全無空間可言，講乜野隔離都聽到。如果想靜靜地食飯，呢度唔會係一個選擇，好有壓迫感。但如果喺大埔突然想食泰國野，呢間都可以係提供俾你頂下癮既選擇。