倫哥尚品火鍋私房菜 (已結業)

由於食過元朗分店覺得環境食物唔錯所以今次想同家人試下尖咀的分店，我地一行十人去到，見到放題既格局，檯同檯之間好迫，同埋個環境超嘈，其實有少少想走，但一時好離轉場去第二個地方，所以都照食啦。等左好一陣先有人比野食，先上鮑魚都ok，之後等十分鐘左右有蒸貝類既野都ok,之後再等等等一陣先上雞煲，工作人員有教我地要點煮來食但都燶曬又要整過一煲，元朗個間係有專人跟進幫你煮好，工作人員服務態度好但人手好似唔夠搵個人拎個豉油都叫左好幾次先比到我地，再等等等終於打邊爐，個海鮮拼盆既貝類超多沙搞到成個火鍋都係沙又要換煲等等等，牛肉我地十個人先得個一碟，要加就比錢，問佢又無其他平價牛提供就無既，碟牛個樣都ok但食唔到牛味，之後再上打邊爐既野，有d款唔岩食，想食有咩款簡佢地話係得呢d想食可同佢講再拎，但無餐紙寫有咩打邊爐配料成晚我同家人都係等等等唔係好知食左咩野，真係比元朗個間差極多，仲有就係冷氣唔夠開埋好多架風扇都無用，希望呢間可以好好改善，類似形式既雞煲唔只得佢一間選擇。