豚王 (V Point) (已結業)

叫咗個豚王拉麵，但係拉麵入面塊豬肉薄到好似火鍋嗰啲豬肉片咁，令人非常失望。加其他配料要另外加錢。糖心蛋醃得唔入味，加蛋加$19。求其俾一塊壽司紫菜要加$12。蔥同麵不成比例，太多蔥，差不多鋪滿半個碗。拉麵同埋湯底還算可以，但係就冇驚喜冇特別。服務非常一般，填好晒張紙就遞俾樓面。張枱坐得好窄，本身四人枱加塊透明板間做兩人枱，個水壺仲俾人揀開咗冇得加水，職員開到後來才主動加水。總之整體嚟講食得唔高興，唔值呢個價錢。