Neway Karaoke Box (已結業)

成班朋友搞生日會唱k, 一星期前book左去旺角中心Neway唱lunch k, 人頭費$58另加一，轉brunch buffet任食任斟就每位再加$18, buffet截至下午5點，我地十几人，可以由下午1點唱到7點, 又有生日蛋糕同香檳酒送，埋單每人85蚊，超抵玩！Buffet bar set係5樓, 我地間k房亦安排係5樓好方便, 只是間k房比較細, 十几人坐實在好鬼迫! 唔講唔知, 4樓有擲標玩, 可惜我地太忙, 分身乏術, 下次必定要試試呢!食物方面，一定夠飽, 但質素就一般般。初頭果兩三個鐘, 只供應咖哩角、春卷、燒賣、牛肉賣、鹵水辣豬耳、炒麵等。 其後先多左炒飯、雜菜、辣椒炒蜆、义燒包、雞包仔等。但呢度有好多菲菲來唱k, 所以一有新嘢食，即刻被掃清！反而後期四點左右既時間好d, 有牛扒、串燒供應，又有甜品如啫喱、布甸、細細件既蛋糕等。至於生日蛋糕，係普通型款式，香檳酒亦只屬ok。一分錢一分貨，將就下……我地會再encore的……