泰亭 (已結業)

平時上黎都係睇人地o既食評...今次真係唔出手都對唔住自己...星期二同女友人去左elements睇戲...跟住食飯...去左sala thai cuisine...見個裝修都唔錯...諗住ok啦...入到去坐底睇完menu就feel到中伏...menu入面9成係辣同炸野...連泰式湯粉都冇...選擇奇少...女友人病左仲未好番...梗係唔俾佢食辣同炸野...本來我提議不如叫2杯野飲完即走...佢話反正未食過...試下啦好啦...俾次機會佢...好艱苦(冇錯...真係好艱苦...未試過睇個menu咁耐)先揀到3樣野...唯有希望呢間野重質不重量食第1樣野已經希望幻滅...蒜蓉炒芥蘭...芥蘭有渣唔在講...仲唔夠熟...所謂o既蒜蓉炒係炒完芥蘭先加d金蒜上去...真係樓下間酒樓都炒得好過呢間野第2樣係泰式濕炒牛河(揀到冇野揀先叫呢個)...唔講以為佢有湯河賣...濕到透囉...d牛肉無味之餘仲要咬唔入...唔識腌牛肉都拎d梳打粉"那"下啦...連茶餐廳都不如...最後一樣係鹽包烏頭...反而ok食得落...可能真係唔駛點煮啦...淨係拎d鹽包住條魚跟住燒熟就ok...條魚唔係燒到老曬.