影片
更多
2005-10-23
7 瀏覽
考完試當然要去食野, 朋友們話去搵炸雞伯伯, 下? 唔好卦, 興趣不大, 於是借詞告辭. 本來唸住去星座食碗茄麵, 行行下突然閃出呢間鋪, 一於行多兩個地鐵站先.人唔多, 好易就"霸"到張檯. 因喉龍痛, 只要了碗小酸辣米線, 竹笙, 肥牛同豬肚, 另多支黑豆漿. 唔駛等好耐有得食, 淨睇賣相都唔錯, 即刻飲啖湯, 夠熱, 但可能要小辣的關係, 真係唔太辣, 而且酸味則好少, 好後悔無點中/大辣, 食到唔夠喉. 雪花肥牛肥瘦比例都算均勻, 當然唔係新鮮肥牛, 好彩無灼過龍, 唔太"鞋". 竹笙幾爽口, 索晒湯食仲好味. 反而三款配料中, 我覺得豬肚最好, 切成半隻手指的粗幼, 爽口, 無腥味, 得!! 米線少少硬身有咬口, 好怕食淋"pat pat"的. 加埋酸菜同芽菜, 真係夠晒飽. 黑豆漿係來貨, ok啦, 基本上食晒碗米線都飲唔落豆漿, 勝在係支裝, 可以拎走. 原本想叫埋土豆絲, 但見份量都唔少, 都係下次先. 服務一般啦, 起碼唔係"無水洗面"果種, 見到街坊當然又係落力d, 笑容多d. 但其中有位亞姐每當有食客坐低的時候, 佢就即刻企0向則邊"等你吩咐",
人唔多, 好易就"霸"到張檯. 因喉龍痛, 只要了碗小酸辣米線, 竹笙, 肥牛同豬肚, 另多支黑豆漿. 唔駛等好耐有得食, 淨睇賣相都唔錯, 即刻飲啖湯, 夠熱, 但可能要小辣的關係, 真係唔太辣, 而且酸味則好少, 好後悔無點中/大辣, 食到唔夠喉. 雪花肥牛肥瘦比例都算均勻, 當然唔係新鮮肥牛, 好彩無灼過龍, 唔太"鞋". 竹笙幾爽口, 索晒湯食仲好味. 反而三款配料中, 我覺得豬肚最好, 切成半隻手指的粗幼, 爽口, 無腥味, 得!! 米線少少硬身有咬口, 好怕食淋"pat pat"的. 加埋酸菜同芽菜, 真係夠晒飽. 黑豆漿係來貨, ok啦, 基本上食晒碗米線都飲唔落豆漿, 勝在係支裝, 可以拎走. 原本想叫埋土豆絲, 但見份量都唔少, 都係下次先.
服務一般啦, 起碼唔係"無水洗面"果種, 見到街坊當然又係落力d, 笑容多d. 但其中有位亞姐每當有食客坐低的時候, 佢就即刻企0向則邊"等你吩咐", 雖然佢唔會不停問"食咩? 飲咩?", 但都有點"壓迫感".
見呢度有隻湯丸叫"四川賴湯丸", 是以酒釀做的無餡湯丸, 味帶甜酸. 據講在四川, 此湯丸等於廣東人的豬腳薑, 係俾產後婦女作驅寒補身用的. 只在冬天供應. 而家天氣都開始涼涼地, 好快就可以再來試試呢.
後話: 食到咁上下, 我見其中一個亞姐開始抺檯/椅, 唔淨只係檯/椅面, 係連檯/椅腳都抺埋. 所以"乾淨"一項我俾4分.
張貼
