響 居酒屋 (已搬遷) 新店位置

之前係「豐盛」既時候已經想黎試下，一直都冇時間，終於安排到時間竟然轉左做「響」。同朋友摸到上樓已經遲左幾個字，地點真心遠，地下個大字「響」其實就唔大又唔光，不過夜晚 同一條街冇乜光，先睇到，haha。可能位置關係，星期四晚冇乜人，2個人坐6人大枱，窗邊雖然冇乜景但勝在舒服。一睇個餐牌，不得了真係不得了，但唔記得影相。。。68蚊魚生飯，78蚊三色魚生飯，完全係正常價，mega box既日式lunch 咁上下，好開心地揀左蔥吞拿魚腩海膽丼，晚上6點後仲有8折，真係覺得好抵。吞拿魚腩蓉唔太肥，拌蔥後幾好口感，海膽好新鮮，真係有甜甜地既味，朋友要左三色刺身飯，有吞拿魚拖羅，十分滿意 甜品個雪糕，只有朱古力同綠茶，各要一份，食得出唔係「行」貨，朱古力雪糕有朱古力粒粒，綠茶雪糕有回甘。朋友仲話，呢到坐得舒服，食物有水準，同舊同事食飯一定黎呢到。出街食飯就係想要呢種餐廳炸嘛，係咪？