影片
更多
2013-10-06
1239 瀏覽
夜晚八點幾，同女友特登走過嚟食。之前有機會試，不過喺門外望幾眼，冇乜食客，所以冇試到。今次見坐滿人，就入去食吓。坐低落咗以下Order：1. 菜甫蛋角牛筋水餃油麵配蕃茄薯仔湯底2. 蠔仔煎蛋豆卜香茅魚餅幼麵配蕃茄薯仔湯底3. 蠔油菜芯4. 叉燒串轉個頭就有得食，不過招呼我嗰個哥仔講咗句「水餃後上」。我就唔客氣食咗先。先試到係足料，起碼湯底有蕃茄味。牛筋雖然彈牙，但係湯底味道吸收唔到；敗北嘅重有菜甫蛋角，睇個樣幾好味，但係一粒菜甫都食唔出，猶如食一隻普通蛋角。同一時間，女友發現後面有個嬸嬸包緊水餃，心諗即叫即製，應該都唔衰得去邊。蠔油菜芯上枱，我食落就冇乜嘢，但係女友即刻話啲蠔油鹹過乜！之後女友碗麵都上枱。呢碗啲料反而好味喎，魚餅有魚肉味，又夠彈牙，食多幾啖都唔厭。蠔仔煎蛋隻隻蠔仔都好肥美，一啖一隻蠔仔好足夠，啲蠔又唔腥，又夠蠔味，呢碗真係讚！叉燒嚟埋。食落同自己去BBQ自製嘅蜜汁叉燒一樣味道，不過佢燒得幾脆口。食咗冇耐，我碗麵嘅湯底色變咗做腩汁色，一啲都唔似蕃茄湯底，當然味道依然。不過食到差唔多食完，「後上」嘅水餃仍然無影無蹤，嬸嬸又包完水餃，梗係追單。一問之吓原來庤房唔記得烚……五分
坐低落咗以下Order：
1. 菜甫蛋角牛筋水餃油麵配蕃茄薯仔湯底
2. 蠔仔煎蛋豆卜香茅魚餅幼麵配蕃茄薯仔湯底
3. 蠔油菜芯
4. 叉燒串
轉個頭就有得食，不過招呼我嗰個哥仔講咗句「水餃後上」。我就唔客氣食咗先。
先試到係足料，起碼湯底有蕃茄味。牛筋雖然彈牙，但係湯底味道吸收唔到；敗北嘅重有菜甫蛋角，睇個樣幾好味，但係一粒菜甫都食唔出，猶如食一隻普通蛋角。同一時間，女友發現後面有個嬸嬸包緊水餃，心諗即叫即製，應該都唔衰得去邊。
蠔油菜芯上枱，我食落就冇乜嘢，但係女友即刻話啲蠔油鹹過乜！
之後女友碗麵都上枱。呢碗啲料反而好味喎，魚餅有魚肉味，又夠彈牙，食多幾啖都唔厭。蠔仔煎蛋隻隻蠔仔都好肥美，一啖一隻蠔仔好足夠，啲蠔又唔腥，又夠蠔味，呢碗真係讚！
叉燒嚟埋。食落同自己去BBQ自製嘅蜜汁叉燒一樣味道，不過佢燒得幾脆口。食咗冇耐，我碗麵嘅湯底色變咗做腩汁色，一啲都唔似蕃茄湯底，當然味道依然。
不過食到差唔多食完，「後上」嘅水餃仍然無影無蹤，嬸嬸又包完水餃，梗係追單。一問之吓原來庤房唔記得烚……五分鐘後烚好喎！
等到我碗麵食剩最後一啖，終於烚好。見佢即叫即包，誠意之作，都抱有期望……一食落真係我都嫌佢鹹！放落蕃茄湯底都掩蓋唔到佢嘅鹹味！雖然佢落足菜肉，包到大大隻，但係真係頂佢唔順。最後湯底飲晒（好味嘅），嘢都食晒，不過帶啲失望，或者係我哋期望過高。
題外話/補充資料：
埋單$88，我比夠$108，應該找廿蚊比我；不過睇落似兩兄弟嘅，一個計數，一個找錢，找咗十蚊比我！好似今日成間舖都不在狀態咁……
(以上食評乃用戶個人意見 , 並不代表OpenRice之觀點。)
張貼
