影片
更多
2019-12-30
1149 瀏覽
呢日喺中環行街街，食完路邊攤後直行，見到Oddies喎，好耐以前喺灣仔食過。之前碌開旅遊app，見佢周不時都有做合作優惠，而呢期咁啱都有做，雞蛋仔一底賣$11，非常抵🤭，即買coupon即用！入到去舖頭無乜人，連店員都唔見埋？！原來行咗入去。雞蛋仔口味有好多種，超過10款，其中有啲擺明係gimmick嘢😅，例如鹹嘅臘味、油炸鬼炸菜肉鬆、鳳梨酥等。我本身就想要蘋果肉桂🍎，但無喎...。唯有要咗紅絲絨雞蛋仔(Red Velvet Eggette)試下啦，原價$30。店員有問我俾唔俾多$35加球雪糕🍨，咁貴，不了🙈。等咗10分鐘到就有得食喇，雞蛋仔係熱辣辣整起嘅，但唔係幾好味囉...。首先，香味欠奉；二來就係皮唔脆，入面又唔軟熟；第三最致命就係究竟紅絲絨係乜味呢？食唔出嘅。我才疏學淺，即刻google下，「紅絲絨蛋糕其實就是偽裝成紅色的巧克力蛋糕，還多了來自白脫牛奶的特殊味道。」哦！但其實都係食唔出🤭，朱古力味都無，只係見到啲啲紅色碎(無味)咁囉。可能我揀錯口味啦。總括嚟講，一句講哂，雞蛋仔唔好味囉👎🏿，同傳統嗰啲無得比，齋搞噱頭嘢係無用的。再者，如果以原價俾錢買，就真係會嬲豬仔。店員態度都
呢日喺中環行街街，食完路邊攤後直行，見到Oddies喎，好耐以前喺灣仔食過。之前碌開旅遊app，見佢周不時都有做合作優惠，而呢期咁啱都有做，雞蛋仔一底賣$11，非常抵🤭，即買coupon即用！
入到去舖頭無乜人，連店員都唔見埋？！原來行咗入去。雞蛋仔口味有好多種，超過10款，其中有啲擺明係gimmick嘢😅，例如鹹嘅臘味、油炸鬼炸菜肉鬆、鳳梨酥等。我本身就想要蘋果肉桂🍎，但無喎...。唯有要咗紅絲絨雞蛋仔(Red Velvet Eggette)試下啦，原價$30。
Red Velvet Eggette
$30
35 瀏覽
0 讚好
0 留言
店員有問我俾唔俾多$35加球雪糕🍨，咁貴，不了🙈。等咗10分鐘到就有得食喇，雞蛋仔係熱辣辣整起嘅，但唔係幾好味囉...。首先，香味欠奉；二來就係皮唔脆，入面又唔軟熟；第三最致命就係究竟紅絲絨係乜味呢？食唔出嘅。我才疏學淺，即刻google下，「紅絲絨蛋糕其實就是偽裝成紅色的巧克力蛋糕，還多了來自白脫牛奶的特殊味道。」哦！但其實都係食唔出🤭，朱古力味都無，只係見到啲啲紅色碎(無味)咁囉。可能我揀錯口味啦。
Red Velvet Eggette
$30
28 瀏覽
0 讚好
0 留言
總括嚟講，一句講哂，雞蛋仔唔好味囉👎🏿，同傳統嗰啲無得比，齋搞噱頭嘢係無用的。再者，如果以原價俾錢買，就真係會嬲豬仔。店員態度都麻麻，對於我係用app買特價雞蛋仔，好似唔係太高興咁😒。好啦，下次我連特價都唔會買囉！
張貼
