影片
更多
2008-09-02
711 瀏覽
自己住屯門，諗住唔駛成家人特登出九龍，咪試下呢度lunch buffet，但只此一次，寧願食少d都唔想再黎呢度。首先價錢唔係十分平，118再加一，但似乎乜都無。係就係有三文魚，但放近門口處，無遮無蓋，已經唔多衛生，仲要用小碟分好晒先拎出黎，但每小碟得二小片，每次refill都係得10零碟，仲要超慢，好小家囉，每次要吼住廚師出黎就成班人去搶。蠔就當然無啦，沙律亦無乜選擇。熱盤來來去去都係d炒粉麵飯。甜品唔駛旨意有乜好野食，當日就淨係有果撻、麵包布甸、生果咁囉。雪糕、cheese cake呢d基本野一律欠奉。有熱茶任酌，但放得好隱蔽，唔知係咪驚人飲晒呢？凍飲就得一杯。最抵死係佢有d日式煎薄餅，即係果d放d木魚碎、紫菜碎上面果d呢，有專人一路煎(但係煎定放響度等人拎，唔係即叫即煎喎)，咁我唔想要紫菜，咪叫呀姐整一件無紫菜啦，點知呀姐勁串，話一定要有喎，唔會特登煎一個無，仲要黑面。咁我就覺得好怪異囉，佢都係逐個煎啫，點解唔可以呢？咁我都算嘞，諗住自己返到去撥走啦，咁我見佢有一個差唔多煎好，咪諗住等果個，熱辣辣嘛，點知都唔得，呀姐已經怒目而視，話一定要拎攤咗響度果個先喎…service亦唔見得好
首先價錢唔係十分平，118再加一，但似乎乜都無。係就係有三文魚，但放近門口處，無遮無蓋，已經唔多衛生，仲要用小碟分好晒先拎出黎，但每小碟得二小片，每次refill都係得10零碟，仲要超慢，好小家囉，每次要吼住廚師出黎就成班人去搶。
蠔就當然無啦，沙律亦無乜選擇。熱盤來來去去都係d炒粉麵飯。甜品唔駛旨意有乜好野食，當日就淨係有果撻、麵包布甸、生果咁囉。雪糕、cheese cake呢d基本野一律欠奉。有熱茶任酌，但放得好隱蔽，唔知係咪驚人飲晒呢？凍飲就得一杯。
最抵死係佢有d日式煎薄餅，即係果d放d木魚碎、紫菜碎上面果d呢，有專人一路煎(但係煎定放響度等人拎，唔係即叫即煎喎)，咁我唔想要紫菜，咪叫呀姐整一件無紫菜啦，點知呀姐勁串，話一定要有喎，唔會特登煎一個無，仲要黑面。咁我就覺得好怪異囉，佢都係逐個煎啫，點解唔可以呢？咁我都算嘞，諗住自己返到去撥走啦，咁我見佢有一個差唔多煎好，咪諗住等果個，熱辣辣嘛，點知都唔得，呀姐已經怒目而視，話一定要拎攤咗響度果個先喎…
service亦唔見得好，可能佢地較到燈光勁暗，d位又一岩一忽，永遠叫人叫十年都無人見到。最好笑係我隔離果家人，佢地3個人，就俾張2人枱夾硬加張椅響側邊(即係行人道)，根本張枱唔夠位放3隻碟，於是乎佢地要求換枱，結果都要擾擾攘攘一排先肯換俾佢地，又唔係無位，做乜要搞到好似茶餐廳搭枱咁呢？莫名其妙！
張貼