嚐越 (已結業)

冇服務。三個人叫咗兩碗細嘅乜嘢牛脊肉湯粉，即係生牛河啦；一個迷你焗牛柳粒飯；一個越式春卷；野箘什菜粉絲同一個柚子鳳爪。兩個河粉都唔係越南河粉，係中式河粉嚟嘅，仲好嚡身添喎。一碗得三小片牛肉，啲湯又唔熱。焗飯個味道 ok，但啲飯好似叮完又叮咁，一粒粒硬嘅。春卷又係返炸咁，個心凍嘅，柚子鳳爪冇味道，$16 得一支一開四嘅鳳爪同兩撮柚子肉，唔值囉。基本上全餐都唔值亦唔值得再嚟！