為食仔海鮮火鍋專門店

營業中

休息中

朋友黎過呢度食卜卜蜆話正, 今晚約左佢食飯話再黎, 一早訂枱, 全場爆滿.黎到好肚餓, 先要左幾款熟食食住先.燒元貝用蒜蓉燒, 特別惹味. 元貝肉厚彈牙, 蒜蓉亦蓋不住元貝既鮮甜味, 好新鮮.炸黑松露鮮蝦餃, 炸既餃好特別, 一咬夠晒卜卜脆, 好清香既黑松露味, 蝦肉又夠爽口, 食D香口野特別開胃.椒鹽雞軟骨香口唔油膩, 雞軟骨唔會太硬, 椒鹽黎炒好入味.仲有個龍蝦鍋, 好多海鮮, 樣樣都好新鮮, 之後仲加錢換個芝士黑松露海鮮飯, 因為好鍾意食芝士.芝士夠creamy, 味道唔算太搶, 感覺無咁易漏, 入面有D海鮮, 食到陣陣鮮甜味. 飯唔會太腍, 口感不俗.