海龍王海鮮大排檔

營業中

休息中

長假期同屋企人+朋友一班人去左長洲行咗個圈，主要係畀班小朋友玩下見下面，順便支持下香港經濟。我哋諗住早啲食早啲返去市區，我哋差唔多16個人，諗住搵間大啲嘅餐廳坐埋一齊，行行下入咗呢間店，有張大枱夠我哋16個人一齊坐。大約六點幾左右, 當時都冇乜人，一開始個侍應好熱情招呼我哋，極力推介兩個海鮮套餐，一個三千幾，一個二千幾，佢話好抵食，叫齊兩個啱啱好。我哋有六個小朋友所以冇叫海鮮，全部散嗌。叫咗九樣嘢，埋單$1545，同樓面介紹套餐嘅價錢相差最少幾千，當侍應知我哋散叫，冇叫海鮮，佢哋啲態度馬上360度轉，馬上黑面，之後全程都黑面完全唔理我哋，叫又唔理，扮望唔到我哋，碟碟都出現問題，除咗碟雞正常少少，擺到明玩嘢，最過份係埋單嗰陣時唔收信用卡。我勸有緣睇到我食評嘅朋友千萬唔好去呢間餐廳，總結就係服務九流，垃圾食物，仲要價錢唔係特別平，地下仲要好多跳蝨搞到我要噴蚊怕水! 難怪咁多香港人北上消費，下個長假期我哋都諗住返大陸玩，原因系香港太多呢d垃圾餐廳，迫我地走。