影片
電話號碼
29815036
特色
同客食飯
適合大夥人
慶祝紀念日
營業時間
今日營業
10:30 - 22:30
星期一至日
10:30 - 22:30
以上資料只供參考, 請與餐廳確認詳情
食家推介
未試過食一餐咁難食嘅海鮮😡😡😡我哋一行四人晚上8:30入座，已經見冇晒客。個夥計叫我哋坐低，快啲叫餸之後佢哋可以埋數。我哋好快叫咗四個餸同一個炒飯，以下係我哋對食物嘅評價。🦞 芝士龍蝦伊麵 - 龍蝦一啲都唔新鮮，食落有啲霉霉地，伊麵鹹到不得了。🥦 帶子炒西蘭花 - 西蘭花正常，嗰幾粒帶子細到不得了，有幾粒仲要有啲酸味。好似冰鮮咗幾年嘅帶子咁。🦐 蒜蓉開邊蒸蝦 - 最極品嘅一碟餸。賣相已經似一堆垃圾，蝦肉好霉又似就快壞，好幾隻蝦頭仲要黑黑地。🐚 豉汁蒸貴妃蚌 - 夥計話係新鮮貴妃蚌，可能係BB關係細粒到唔可以再細粒。🍚 長洲炒飯 - 非常普通，但係最正常嘅一碟。咁多隻餸入邊，冇一隻食材係正常，全部好似就快過期嘅冰鮮海鮮。我哋一度懷疑係夥計自己入去，真係好難搵一間海鮮酒家每一隻餸都咁難食。成餐總共大概$850。用呢個價錢叫咗一堆垃圾。
繼續閱讀
果日同老婆去長洲玩，諗住食埋晚飯先返市區，就坐低系門口細枱。由於老婆對蝦蟹過敏，諗住叫小炒就算，個阿叔侍應埋黎推介套餐，見到有魚蝦蟹炒菜同湯，唔使5百蚊都覺得扺食。先上湯，再上蝦，頂，啲蝦肉梅嘅，叫老闆（？）埋黎投訴下，佢話咁嘅價錢只供應冰鮮貨，心諗冰鮮？啲肉梅嘅都叫鮮？跟住上個三點蟹，蝦蟹都用椒鹽，可能都係冰鮮。兩隻三指大嘅蟹，一開二，數下竟然得三件😆😆😆，費事出聲啦，買個教訓。再黎豉汁蒸倉魚，巴掌心大，哇，啲肉可以蒸到脆口，即系未解凍就落鑊。最後炒生菜，有少少過咸，送飯就住食都OK。總體而言：劣食。
繼續閱讀
呢個假期長洲人唔算多。入長洲玩經過見到貼海邊環境ok，又唔洗等位，就坐低點咗幾個菜，套餐就基本係凍嘢啦，so我地去自己稱咗幾種海鮮，貴就貴d，不過勝在新鮮唔錯，價錢還好啦，大陸雖然平，但係你食噶嘢新唔新鮮就好難講咯。呢度起碼會明確話你知套餐係凍嘢，想新鮮自己稱。所以見仁見智啦~如果入長洲玩噶話推薦去試試~
繼續閱讀
長假期同屋企人+朋友一班人去左長洲行咗個圈，主要係畀班小朋友玩下見下面，順便支持下香港經濟。我哋諗住早啲食早啲返去市區，我哋差唔多16個人，諗住搵間大啲嘅餐廳坐埋一齊，行行下入咗呢間店，有張大枱夠我哋16個人一齊坐。大約六點幾左右, 當時都冇乜人，一開始個侍應好熱情招呼我哋，極力推介兩個海鮮套餐，一個三千幾，一個二千幾，佢話好抵食，叫齊兩個啱啱好。我哋有六個小朋友所以冇叫海鮮，全部散嗌。叫咗九樣嘢，埋單$1545，同樓面介紹套餐嘅價錢相差最少幾千，當侍應知我哋散叫，冇叫海鮮，佢哋啲態度馬上360度轉，馬上黑面，之後全程都黑面完全唔理我哋，叫又唔理，扮望唔到我哋，碟碟都出現問題，除咗碟雞正常少少，擺到明玩嘢，最過份係埋單嗰陣時唔收信用卡。我勸有緣睇到我食評嘅朋友千萬唔好去呢間餐廳，總結就係服務九流，垃圾食物，仲要價錢唔係特別平，地下仲要好多跳蝨搞到我要噴蚊怕水! 難怪咁多香港人北上消費，下個長假期我哋都諗住返大陸玩，原因系香港太多呢d垃圾餐廳，迫我地走。
繼續閱讀
第一次喺OR寫評價，實在係因為估唔到呢間海鮮檔咁低分經過覺得個景幾好貼住海邊，就決定試試。入去睇到有套餐，問咗下，店員會同客人強調係凍嘢，所以最後我地決定單點幾個，貴少少就貴少少。菜品都幾ok，價錢同其他海鮮檔比都算實惠。我地特別like個海膽炒飯，真係唔錯。有好大個海鮮檔可以自己揀噶，覺得菜牌上面唔啱可以自己去叫人稱。明碼實價，加收同茶位都有清楚寫明，唔會話字細到你睇唔清噶。我地都有試試另外評分ok噶店，不過就emmm，見仁見智咯~反正我係by呢間啦。會再幫襯。
繼續閱讀