鳴門魚市場居酒屋 (已結業)

平時去旺角東都會經過好多次呢間餐廳，行人天橋一落去就係，非常方便。今日終於可以試下呢間餐廳啦。我地4個人安排坐的位尚算舒服，冇限時數食野，傾計好舒服。今次每個人叫左一個主食同埋一個小食，小食的質素比主食好！小食:1.芝士焗蠔芝士份量好多，焗蠔上面估唔到有海膽，不過海膽唔算特別新鮮，反而蠔焗完唔腥，值得一次！主食﹕主食方面有唔同的set可以俾你揀，而且有麵豉湯、佐菜同豆腐送，價錢亦都唔算太貴。不過要留意麵豉湯好咸，我地飲左一半都唔飲。1. 原隻饅魚飯以$148黎講性價比唔錯，餐牌同現實係一樣，有原條饅魚，饅魚好大條，影相都影唔哂，而且冇咩魚骨，餐廳都整得好林。淋上饅魚汁的飯放係石鍋上，熱辣辣仲有飯焦，再加上好味的芝士，味道即刻好夾，係可以encoure的主菜。2.牛肉壽喜燒呢個比較失望，壽喜燒湯底比其他店更甜，牛肉冇咩特別，可以試其他菜。