影片
更多
2015-04-17
2630 瀏覽
友人想食日式放題, 叫我搵間啱心水, 於是上網尋寶, 但個D”寶”, 打電話去, 都話滿座. 唯有再搵…. 卒之比我搵到間, 網友咁樣形容: “間嘢D食物唔差, 魚生賣相高檔, 服務ok, 但價錢貴, 唔係好抵..…” …woo! 啱晒我啦…, “食物唔差, 魚生高檔, 服務ok”…..夠啦!! 價錢貴?!?… 好吖! 即係少D人幫襯, 唔使排隊, 坐得舒服D啦..…. 貴一百幾十?? 我比得起….哈哈…近年網上的”試食”食評多如沙數, 以前就話可以用”食家”判斷食評可信性, 但近年那些”高級”食家先最信唔過, 餐廳邀請食家已經不會再用以前的直接免費試食招數, 一些食評, 寫到…好似…真係自己主動去食咁, 尤其是一些餐廳食評連續都是”高級”食家的食評, 更需要細心考究, 才可以知道真偽, 認真考功夫… 反而睇睇個D得幾個食評既”食家”, 可信性更高, 最好睇”喊”評和”OK”評, “OK”評係最能反映真實, “喊”評就最能分別到服務和食物質素, 呢間日式放題, 老友就係睇中佢無太多”高級”勁人食家的食評囉…哈哈…啤酒任飲, 本來有韓國啤, 但賣晒喎… 整咗罐全城最cheap既”獅威”,
近年網上的”試食”食評多如沙數, 以前就話可以用”食家”判斷食評可信性, 但近年那些”高級”食家先最信唔過, 餐廳邀請食家已經不會再用以前的直接免費試食招數, 一些食評, 寫到…好似…真係自己主動去食咁, 尤其是一些餐廳食評連續都是”高級”食家的食評, 更需要細心考究, 才可以知道真偽, 認真考功夫… 反而睇睇個D得幾個食評既”食家”, 可信性更高, 最好睇”喊”評和”OK”評, “OK”評係最能反映真實, “喊”評就最能分別到服務和食物質素, 呢間日式放題, 老友就係睇中佢無太多”高級”勁人食家的食評囉…哈哈…
啤酒任飲, 本來有韓國啤, 但賣晒喎… 整咗罐全城最cheap既”獅威”, 重唔夠凍添, 頂吖!! 心諗..又話”高檔”, 真係激死…即刻想寫食評了…..哈哈哈哈
好彩, 開心嘢好快出現, 先來了刺身併盤, 三文魚, 正常過正常, 口感新鮮, 三文魚通常都無問題. 油甘魚, 味道略為比一般的淡, 但也算不錯, 肉質口感佳好. 吞拿魚, 與專做刺身的日式店, 明顯不同, 魚味特別的淡口, 但口感不差. 劍魚腩, 在日式餐廳食開劍魚腩的人, 一定食得出放題店的劍魚腩是特別不同, 放題那種全白一片的魚身, 味道不同, 口感也比較差. 帆立貝, 一粒切開兩小塊, 入口鮮味, 口感一流, 再落單!!! 極大甜蝦, 係真係夠大, 但應該有名, 唔知點解用”極大”呢個名? 蝦肉鮮味, 口感清新, 另外的兩隻小虎蝦當然無得比. 其他例如赤貝和象拔蚌片都上盛, 好滿意.
友人食放題, 唔介意比多些少錢, 鐘意慢慢食, 就算過了時間, 比多幾十蚊, 都無所謂, 出得嚟食嘢, 唔會慳個少少. 第二輪香蔥吞拿魚腩(蓉)軍艦, 芥辣八爪魚軍艦, 海膽軍艦, 蟹肉蟹膏軍艦. 唔講咁多了. 編輯大人見上面寫咗幾行食物, 都應該唔會彈翻轉頭…哈哈… 但必須要提一提”海膽軍艦”, 上檯時, 的確打了一突, 真係無想過會有這麼著數的壽司. “海膽軍艦”賣相雖不是十分出眾, 但都絕對是交足功課, 這兩件軍艦, 就算係中價日式餐廳, 都要五十元吧… 海膽的品種, 眼望見, 應該屬於較貴的”加拿大”海膽, 但入口, 比街外常見的加拿大海膽略為淡味, 要再了解一吓才可以知內中究竟.
火炙三文魚腩, 燒到半熟的三文魚唔啱我, 友人話唔差喎. 火炙海鰻, 好奇怪的口味, 並非街外食開的燒鰻魚樣子, 似白鰻入貨後自己加工. 火炙左口魚群邊, 入口即溶的感覺, 街外都差唔多. 火炙黑松露帆立貝, 黑松露是搵嚟攪, 做樣多於口味, 帆立貝燒完後特別硬.
燒銀杏, 攪笑, 兩粒一串, 好味.
雞翼串燒, 兩款, 我只食了一款, 幾好, 燒得香口. 雞軟骨串燒, 未燒得夠時間, 好硬. 燒蝦, 唔太痴殼, 肉質尚佳. 雞肉串燒, 好甜, 啱我, 但友人話唔好食.
辣酒花螺, 辣度中等以上, 食得麻煩少少, 要用义拮出嚟食, 但好味, 後來把蜆放入醬汁, 好到要再落單.
清酒煮蜆, 賣相好, 隻隻脹卜卜, 但味道淡到無朋友….. 應該改名為: 清水煮蜆. 後來把蜆放入”辣酒花螺”的醬汁內, 簡直係天壤之別, 後來再嚟多一round, 但要連”花螺”一齊落單.
牛油粟米, 無牛油味, 不過, 就算有牛油味, 都可以唔食.
厚切牛舌串燒, 都算厚身, 燒得夠時間, 但略為”硬”一點, 膻味輕. 黑椒牛仔骨燒, 上面的一件可以, 下面的一件, 肥八瘦二, 離譜!! 蒜香牛柳粒, 軟、滑、香, 牛肉味重.
日式蕃茄沙律, 清新, 微微酸, 啱晒食完油炸食物後清一清. 蟹籽沙律, 味道正常, 唔應該落單…
海帶青瓜醋, 個名係我老作, 唔記得原來名稱了. 唔係太酸, 都係清清地, 幾好.
芝士帆立貝, 如似去咗”和民”, 上檯時, 十分熱, 仍然泡泡的, 味道略甜, 又係啱我, 唔啱友人.
一堆炸物, 無心機寫, 手軟了…. 大致上都唔錯. 炸蠔, 好! 好! 好! 落咗兩次單. 香蕉年糕, 好特別, 必試. 炸雞軟骨, 頂吖!!!!! 痴咗線, 成底下面都係, 完全唔同之前叫過的食物份量, 無端端比咗咁多!?!? 離譜! 食唔晒… 又諗起”寫食評”…..
炸蝦, 兩款, ….. 手軟….總之.. 好! 好! 好!....
柚子雪…..芭?... 糕? 唔記得了, 好味, 又酸、又甜、又軟、又爽爽地…
綠茶雪糕, 好重茶味, 唔太甜, 想落多次單, 但….. 飽得想死了…..
焦糖蛋, 面上的脆皮焦糖, 加上下面的軟身蒸蛋, 好味呀….
橙布甸, 唔啱我口味, 唔軟、唔滑、唔甜、…..叫錯…
張貼
