影片
更多
2007-10-22
22 瀏覽
尋晚同朋友2個人，試食任食火，九時後入座每位$101，包括指定鍋底、豉油及酸菜，蒜茸、辣椒之類配料另計每位$9。食後感覺勁差….一) 有被欺騙之感約九時十五分入座，分四次order食物:1.田難、肥牛肉、帶子、蝦丸、鯇魚片、粟米(約9:20pm order第一次，所有食物到齊)2.海蝦、桂花蚌(不在任食之列，需要額外計錢，所以第二次也很快到)3.金菰菜、花膠仔、鯇魚片、鱔片、牛孖筋、生菜、油麥菜(約10:10pm order，除花膠仔之外，其餘全部沒有到)4.墨魚滑、爆心丸、芝士牛肉丸、山根(約11:00pm last order，除了山根以外，其餘全部又係冇)附註: 每碟食物平均只有三至四件二)服務態度勁差第三次order等左好耐都未黎過，於是唸住叫待應追下，點知佢地好大支野咁回答:「冇黎到…咪即係冇囉！」之後隔左約15分鐘，第四轉D野又係冇黎，於是我地又再追，今次又話:「D師傅收晒功囉喎，無架啦~」另外，佢地既營業時間，明明寫住至晚上12點正。但係由11點開始，佢地就會不停趕你走….首先會吹你埋單，跟住分段熄燈；約11點15分，全場既燈已經熄左一半。然後D人又會係你身邊不停執野，總
一) 有被欺騙之感
約九時十五分入座，分四次order食物:
1.田難、肥牛肉、帶子、蝦丸、鯇魚片、粟米(約9:20pm order第一次，所有食物到齊)
2.海蝦、桂花蚌(不在任食之列，需要額外計錢，所以第二次也很快到)
3.金菰菜、花膠仔、鯇魚片、鱔片、牛孖筋、生菜、油麥菜(約10:10pm order，除花膠仔之外，其餘全部沒有到)
4.墨魚滑、爆心丸、芝士牛肉丸、山根(約11:00pm last order，除了山根以外，其餘全部又係冇)
附註: 每碟食物平均只有三至四件
二)服務態度勁差
第三次order等左好耐都未黎過，於是唸住叫待應追下，點知佢地好大支野咁回答:「冇黎到…咪即係冇囉！」之後隔左約15分鐘，第四轉D野又係冇黎，於是我地又再追，今次又話:「D師傅收晒功囉喎，無架啦~」
另外，佢地既營業時間，明明寫住至晚上12點正。但係由11點開始，佢地就會不停趕你走….首先會吹你埋單，跟住分段熄燈；約11點15分，全場既燈已經熄左一半。然後D人又會係你身邊不停執野，總之一句講晒，你唔好阻住人收工啦~ 服務態度勁差!
三) 食物質素就ok啦~
結果埋單2人合共$288，其實真係好唔抵食。任食項目裡面，我地只係食左6碟野，而每碟只有3-4件，比起散叫仲要貴；而且又要受氣，應該唔會再去~
張貼