影片
更多
2004-11-01
17 瀏覽
一向都唔認為明星等同識食既理論，所以對明星開既食店都無甚好感，不過既然陳生出錢投資既係一間老店，加上食評又好似唔差，就破下費探探其虛實。進店坐低後發覺內籠唔係想像中既大，人亦唔係想像中既多，需知星期日晚八點鐘坐唔夠八成人都算幾失威的。先來冷盤xx咸雞($4x)，一客大概有四分一隻，賣相奇差，雞皮啞色而碟底一點汁液都沒有，印象分大減。雞味欠奉不算意料之外，但連咸味都不足就比較出人意表了。一碟無雞味唔夠咸賣相差又唔係平既咸雞，點計都不能算合格了。湯水要了古式鴨血雞什湯($3x)，湯底十分之清，不愛濃味者應該都幾對口胃。鴨血滑溜溜的，一點都不老，雞什等則過熟至無甚味道，女友唔多鐘意呢味野，後尾先知原來此湯水己經算係今晚比較ok既一味。自問都食過唔少小籠包，而自己要求一向都唔高，但今次既小籠包($28)都可算係食過的同等價錢食店中最差的了。小籠包扁埋一舊，有蒸過龍既現象，內裏既湯水未夾己經流精光，最可怕係內裏既肉實實的，差點沒以為自己食緊菜肉包。同女友都不習慣食飯時批抨菜式既差，以免影響心情，但不說還不說，睇表情都可略知一二了。擔擔麵($28)係少花生醬既一種，有少量蔥花等，個人來說就比較鐘意
進店坐低後發覺內籠唔係想像中既大，人亦唔係想像中既多，需知星期日晚八點鐘坐唔夠八成人都算幾失威的。
先來冷盤xx咸雞($4x)，一客大概有四分一隻，賣相奇差，雞皮啞色而碟底一點汁液都沒有，印象分大減。雞味欠奉不算意料之外，但連咸味都不足就比較出人意表了。一碟無雞味唔夠咸賣相差又唔係平既咸雞，點計都不能算合格了。
湯水要了古式鴨血雞什湯($3x)，湯底十分之清，不愛濃味者應該都幾對口胃。鴨血滑溜溜的，一點都不老，雞什等則過熟至無甚味道，女友唔多鐘意呢味野，後尾先知原來此湯水己經算係今晚比較ok既一味。
自問都食過唔少小籠包，而自己要求一向都唔高，但今次既小籠包($28)都可算係食過的同等價錢食店中最差的了。小籠包扁埋一舊，有蒸過龍既現象，內裏既湯水未夾己經流精光，最可怕係內裏既肉實實的，差點沒以為自己食緊菜肉包。
同女友都不習慣食飯時批抨菜式既差，以免影響心情，但不說還不說，睇表情都可略知一二了。
擔擔麵($28)係少花生醬既一種，有少量蔥花等，個人來說就比較鐘意濃花生醬既一種，麵質ok，但邊食邊記起黃家沙既超多花生醬版。
金腿楊州炒飯($58)如其名係普通楊州炒飯加了金華火腿，係整餐飯中最好味既一款，飯炒得乾身，加上金腿十分之惹味，算不錯。
最後係蘿蔔絲酥餅($2x)，實在係做得十分之不濟，外皮超級厚，咬一下都不能將之咬散，其厚度可見一班；內裏蘿蔔絲出奇地少，餅己經唔係大舊，但都要咬一兩啖先有料，真係唔到你唔服。唯一可取係耐熱，上檯到入口相隔十五分鐘仍熱到辣親條利，厲害厲害。
埋單$28x，食物質素好的話再貴一點都心甘情願，但若然是如斯質素就難免頂住條氣。
寫食評都有百餘篇，相信都係第一次咁一面倒批評一間食店了。
張貼