洋一居食屋 (已結業)

太座想食碗熱嘢，來吃碗拉麵或udon就實冇走雞...下晝兩點幾去到，仍然其門如市，日本菜响香港人心目中真係no.1最受歡迎嘅料理...不過對於呢亭港式日本菜，小弟一向都冇乜期望...太座叫碗立食拉麵，小弟嘅就係鍋海鮮烏冬。一貫港式水準，拉麵淥得太淰，配料只係嗰D雪藏獅子狗卷、日式魚蛋及蟹柳，難吃得可以；小弟嘅烏冬亦係相類水準...okonomiyaki係呢度嘅賣點之一。上次食海鮮，今次則係牛肉。味道普通，不嬲日式燒餅都唔算係乜嘢出色嘅日本料理。對小弟嚟講，懷石料理及天婦羅先至係日本料理嘅精粹所在...