影片
更多
2010-07-08
9 瀏覽
開店雖然只有兩個禮拜，但係城中太多人講，而且聽到係新加坡Chatterbox個廚親手黎整海南雞（由每日只賣40隻到每日既80隻都唔夠賣），所以auntie就約左班friend一齊去試食，重一早訂好枱。訂位時姐姐仔話我地張六人枱7點有位，不過9點前一定要交枱，世估唔到我地7:45前已經食完走人。環境：感覺好似一間好闊落既茶餐廳1) 夠光猛，不過d位係偏窄，大隻d既人會坐得唔舒服，而且冇乜地方比你放野。2) 兩邊牆係半卡式，都係一張過黐牆既長sofa，慳位得黎D枱可以任拼，唔使set死每張只可以坐幾多個人。設計概念唔錯，不過好似適合茶餐廳多D。3) 枱同枱中間好夠位，唔會覺得迫。4) 近窗係有景睇，不過餐廳既裝修好似同個景唔係好夾。5) 個open kitchen好有燒爉舖feel。服務：好參差1) 睇得出有人好努力，但同時亦有人經驗不足同好馬虎。2) 落單時好明顯對自己賣緊乜唔係好熟識。問佢黑蘿蔔糕同白蘿蔔糕有乜分別佢就唔知點算好，我auntie就好心幫佢解釋話黑嗰個係用甜豉油。3) 食物一窩蜂黎哂，張枱又唔夠地方擺，最氣憤既係攞餸黎嗰位人兄好野到企喺到等運到，唔會諗點樣揾位放低碟食物
環境：感覺好似一間好闊落既茶餐廳
1) 夠光猛，不過d位係偏窄，大隻d既人會坐得唔舒服，而且冇乜地方比你放野。
2) 兩邊牆係半卡式，都係一張過黐牆既長sofa，慳位得黎D枱可以任拼，唔使set死每張只可以坐幾多個人。設計概念唔錯，不過好似適合茶餐廳多D。
3) 枱同枱中間好夠位，唔會覺得迫。
4) 近窗係有景睇，不過餐廳既裝修好似同個景唔係好夾。
5) 個open kitchen好有燒爉舖feel。
服務：好參差
1) 睇得出有人好努力，但同時亦有人經驗不足同好馬虎。
2) 落單時好明顯對自己賣緊乜唔係好熟識。問佢黑蘿蔔糕同白蘿蔔糕有乜分別佢就唔知點算好，我auntie就好心幫佢解釋話黑嗰個係用甜豉油。
3) 食物一窩蜂黎哂，張枱又唔夠地方擺，最氣憤既係攞餸黎嗰位人兄好野到企喺到等運到，唔會諗點樣揾位放低碟食物，反而我地要好快地夾起d餸清位比佢。感覺好似趕客多過歡迎光臨lor。
4) 唔叫係唔會幫你換碟或攞走吉左既碟。
黎之前在下當然有做功課睇下openrice既食評。見到咁多新加坡人都讚不絕口，咁啱同行有位auntie又係新加坡人，就叫佢食真d味道，點知全餐飯佢不停地搖頭。
味道：好彩等位嗰陣去左隔離食雪糕，唔係肯定要去第二度食過。
海鮮喇沙：HK$88。新加坡 auntie第一個反應係“冇喇沙葉點算係喇沙呀?”... (bad sign #1)。Hmmm.. 點解會係米粉既？好唔地道bor (bad sign #2)。放埋入口，簡直係唔掂，因為個湯好淡，個味道完全唔係嗰回事，又唔夠辣，所有人都好失望。
黑蘿蔔糕：HK$58。蘿蔔糕切得太細舊。咬落唔夠熱，味道太甜，完全冇鑊氣。非常失望。
海南雞：HK$290/隻。雞肉唔夠嫩，而且一d雞味都冇(bad sign #3)。因為我地唔係叫餐，所以冇大家所講既木tray，而且醬汁只有三款，冇樣ok！甜豉油不但唔啱味，重要係苦既；薑蓉唔夠蒜，唔夠薑，又冇香味；辣椒醬簡直係稀得可憐，又冇辣椒味。Sorry，真係非常失敗。海南雞都做唔掂，點叫自己做海南少爺呀??? 諗下都覺得幾荒謬。聽人講得多，以為Chatterbox係正野，不過試過有佢既廚助陣既海南少爺，我一定唔會幫親攞。(super bad sign #4)
雞飯：HK$18。唔夠熱，米又唔靚，味道只係一般。
海鮮釀油條：HK$58。又係唔夠熱，而且好咸同好乾，個蝦膠餡好味精，不過好脆。(bad sign #5)
Satay：HK$88/十二串。我地人多，又想試新野，所以叫左牛，羊，雞，三款。唔夠熱，肉身好硬好瘦，味道太甜。
扭擰熱情梳打：HK$32。哥哥仔極力推薦，話係最受歡迎飲品wor。睇相都知好多冰。酸酸地幾開胃，不過可以甜多少少。
張貼
