樂酒場 がくさかば

想食日本菜，見到呢間居酒屋竟然有二百幾個好評，完全冇負評或者一般，覺得非常之驚訝，所以決定去試一試試完之後結果我就係覺得唔明點解全部都係好評，我個人認為真係非常之一般，無論係環境定係食物要咗一個海膽，問店員完係咩品種嘅海膽，佢只係答到我係日本海膽。。。冇辦法講出海膽嘅品種，我亦都放棄繼續追問，份量係算幾多，但係有小部分食落有一啲唔太好嘅味道。。但係我哋都冇投訴。。。另外三文魚刺身冇特別，叫咗個大家都推介嘅童星點心麵蝦，蝦係新鮮嘅，但係外面嘅童星點心麵非常之硬，咬落去個嘴會損嘅程度，我亦唔覺得特別好食，因為童星點心麵嘅味道完全蓋過咗蝦嘅鮮味，另外就叫咗個燒飯團同埋一個豚肉翠玉瓜串燒，我覺得就係一般囉，冇驚喜冇特別，亦唔係好好食，環境好嘈，我落單點完都聽唔到我講咩