Ausone (已結業)

睇雜誌介紹, 一早訂左一班朋友食晚飯, 訂座後晚飯前亦試過一次午餐, 結論, 唔會再去- 服務: 最大問題, 黑面態度差, 似九流茶餐廳。午餐以為人多(僅滿座)差少少, 夜晚樓下明明得我地一檯人, 我地都係持續受氣。上食物下下都撞落檯, 鮮果拿破崙直程撞到散開左。 點餐時叫餐飲諗幾秒飲乜, 佢就已經反晒白眼咁話「你不如諗好先叫」, 覆單埋單亦同一態度。到上飲品我地應慢左(唔好期望佢會記得邊個叫乜), 佢甚至近乎呼喝咁打斷我地講野。明明全層無其他人, 我地亦只係基本點餐, 咁既服務質素, 其他跑馬地既食肆, 不論大牌檔定茶餐廳都未遇過。- 食物: 期望越大, 失望越大, 非常普通既港式西餐, 唯一好處係選擇多, 晚餐豬牛羊雞鴨飯意粉都有, 但無樣好食, 只係普通至水準以下  eg 蠔意大利飯:蠔種靚聞落好香, 但食落唔新鮮, 熟都覺腥。飯係水汪汪(唔係汁唔係湯, 係水)既焗飯, 唔係意大利飯煮法  龍脷意粉: 龍脷好食, 但意粉唔好食, 似快餐廳質素  牛扒: 叫五成熟真係五成熟, 但食落都係老  cream bulee: 焦糖太厚, 敲唔穿, 入口硬唯一好處係無開瓶費, 但午餐約百五一