Vision 8

$80豬扒有陣鴨胸味，肉質偏柴。$80係食得過，原價就一定唔值。$298香煎鱈魚，外皮好脆，魚肉都好嫩，不過略嫌貴咗啲，呢個價錢出面有更好嘅選擇。$78心太軟，喺呢啲西餐廳嗌甜品都預咗貴，但係心太軟隔離啲水果係發霉嘅，你都買$78啦，俾啲正常嘅生果都冇？$158斑馬火腿薄餅，好食冇得彈餐包好鬆軟，個黑松露醬同行人都話好食，本人就唔鍾意黑松露所以冇嘗試最後凍飲，個侍應就話幫我哋免費，其實本身飲水都冇問題，免費咁就嗌咗三杯凍檸茶，但係最尾收咗我哋每杯$4 ，話係凍飲個部機預設咗要加$4 ，但係我睇到其他人嘅評論就好似唔係咁嘅回事啦。唔係介意俾多$12 ，而係覺得好似俾人呃咗，個印象由70分，即刻跌咗落去30分，最後埋單三個人食咗八百幾蚊，西餐嚟講一定有更好嘅選擇。