The Joomak (已結業)

食物唔算太差，質素一般啦。但服務態度就扣晒分。問吓個侍應「香辣」可唔可以小辣同係咪好辣？估唔到呢位外表時尚的侍應會答：辣度已撈好，冇得少，我冇食過，唔知！我明白，餐牌上的食物唔係每樣員工都會食過，但態度唔係咁囉！落單時，我講食物名稱，呢位侍應話：講number！有啲禮貌得唔得？話晒唔係四、五十蚊嘅茶餐廳呀！真係叫聲你大佬！食嘢要俾服務費10%，但我就受100%氣！飽晒啦！我知食嘢唔係食服務，但咁嘅態度，搵唔到地方食嘢都唔會想再嚟啦！希望呢間食店可以改善服務質素！