影片
更多
2021-09-09
9 瀏覽
最近唔知點解成日見到呢間burger嘅食評話好好味，新開零負評都幾吸引，過咗好忙嘅一日之後好啱黎大魚大肉一下。招牌至尊和牛漢堡 ($158)足料到痴線，除咗漢堡扒之外，仲有大啡菇、牛油果、煎蛋、煙肉、芝士、洋蔥、生菜、蕃茄等等，就算個口大到塞得落拳頭都真係唔可以一啖食到，點都要切開嚟分層食。 味道好豐富，係好典型嘅美式漢堡味道，同時又唔會好油膩或者食到成頭油煙味，配搭幾清新，和牛漢堡牛味幾濃，煎得好香口。 美中不足嘅係要分層食，所以冇乜食緊burger嘅爽快感。藍芝士流心漢堡 ($118)一咬落去就食到好濃嘅blue cheese味，面頭仲要加多塊芝士，啱晒芝士控嘅口味。 熱烈推介要加多隻煎蛋，漏咗單所以呢張相影唔到，連埋蛋汁食真係一流。 漢堡扒食落同至尊和牛漢堡分別唔大，性價比都幾高。另外加咗普通薯條同芝士薯條，值得一讚即使係普通薯條都加咗辣粉，仲要每一條薯條都已經撈勻左沾有味粉，好有誠意。 芝士粉幾似芝士圈嘅鹹香味，點埋芝士醬超邪惡超滋味。
招牌至尊和牛漢堡 ($158)
足料到痴線，除咗漢堡扒之外，仲有大啡菇、牛油果、煎蛋、煙肉、芝士、洋蔥、生菜、蕃茄等等，就算個口大到塞得落拳頭都真係唔可以一啖食到，點都要切開嚟分層食。 味道好豐富，係好典型嘅美式漢堡味道，同時又唔會好油膩或者食到成頭油煙味，配搭幾清新，和牛漢堡牛味幾濃，煎得好香口。 美中不足嘅係要分層食，所以冇乜食緊burger嘅爽快感。
藍芝士流心漢堡 ($118)
一咬落去就食到好濃嘅blue cheese味，面頭仲要加多塊芝士，啱晒芝士控嘅口味。 熱烈推介要加多隻煎蛋，漏咗單所以呢張相影唔到，連埋蛋汁食真係一流。 漢堡扒食落同至尊和牛漢堡分別唔大，性價比都幾高。
另外加咗普通薯條同芝士薯條，值得一讚即使係普通薯條都加咗辣粉，仲要每一條薯條都已經撈勻左沾有味粉，好有誠意。 芝士粉幾似芝士圈嘅鹹香味，點埋芝士醬超邪惡超滋味。
張貼
