新光海鮮酒家 (已結業)

因前一日揾食肥華，又因衰貪試新嘢，在鳳德邨一間新開酒楼同靚媽飲咗餐極不滿意早茶，仲要靚媽埋單俾錢，8月25日颱風馬為靚媽帶來可以遲兩個鍾返工嘅優惠，肥華就和佢在住處商場呢間酒楼，飲早茶，真係冇比較就唔知好，平時淨係覺得呢間酒楼嘅出品都係一般水準，如非貪方便就腳都唔會揀呢處飲茶，點知食過前一日個間新開酒楼嘅早茶食品，先發覺今朝在呢間新光所食嘅每一款早茶點心都係高水準之作，同昨日個餐相比真係有打邊爐同打屎忽嘅分別，令肥華對此店有另眼相看嘅必要