新光海鮮酒家 (已結業)

很喜歡這裡的飲茶點心和小食，就算現時搬走了，亦都非常掛念這裏的味道這裏的點心賣點是大件夾抵食，每件份量十足，味道亦不錯馬拉糕鬆軟有蛋香，蝦餃燒賣等的蝦亦大大隻煎釀茄子是每次必點，非常大件，魚肉有陳皮香味，茄子軟腍外皮微脆香XO醬蘿蔔糕都是必點，切成正方形size過油再炒，食落口不會太油膩，每次食都熱辣辣，頗香口韭菜豬紅和鮑汁雞腳都是每次必點，份量很多，令人好滿足。雞腳每次都很軟腍，不用牙力就食到生菜魚肉是第一次點，很大碟，魚肉和煎釀茄子的魚肉一樣，有着陳皮香，如果怕太熱氣的話可以選這個最後重點推介一定是這裏的蜜椒雞中翼超級好食雞皮炸得香脆，面層都包裹着適量的麥芽糖漿，吃起來香脆又煙靭，內裏的雞肉非常Juicy，醃得又夠味，非常高質極力推介給大家

元宵節，春節氣氛未減，又多了中國情人節的色彩。電視正播著各地情人節的習俗，吃湯圓 ，猜燈謎此起彼落，喜氣洋洋。我們陳氏宗親的春節聯歡就定在這里--鑽石山龍蟠苑新光海鮮酒家。一名頑童帶來了一條彩色巨龍，為我們的春茗增添氣氛。今年是龍年，在座也有不少是屬龍的，真是陣容鼎盛，濟濟一堂。這樣特殊的日子當然要熱烈慶祝一番，看看今日的酒席內容豐富，色彩繽紛，價錢出眾，＄3880是一個幸運的數目，祝願各位今年生生猛猛，正能量是388，發光發熱，負能量是0，消聲匿跡🤪。酒席是全包晏，店家一早就為我們設好座位，擺好香茶凍飲，大小朋友各取所需，先清一清味蕾，然後開始大餐。【一】鴻運乳豬🐷全體【二】翡翠帶子蝦仁【三】金瑤扒雙蔬【四】沙律海鮮卷【五】紅燒竹笙雞🐔絲翅【六】發財好市大利【七】清蒸大海石斑【八】脆皮一品燒雞🐔【九】臘味炒糯米飯傳統酒家已經剩番好少，這裡的酒席菜真是不錯，乳豬拼盤份量充足，燒烤功夫絕對一流，皮脆肉嫩，食到一塊也不剩，連豬頭都有人帶返屋企煲粥，🤪識食之人。翡翠帶子蝦仁， 顏色奪目，帶子蝦仁大粒新鮮，爽口甜美，配菜西芹彩椒都是新鮮爽口，絕不馬虎。沙律海鮮卷稍為失色，因為有少少益味。😬紅燒

今次黎到呢度試佢哋嘅燒味飯同蒸魚，真係有驚喜！首先嗰碟叉燒，啖啖肉感又唔肥膩，外層嘅蜜汁香味掛住，入口即溶，真係滿足到我對叉燒嘅所有幻想🤤。再講講隻豉油雞，皮滑肉嫩，豉油味剛剛好，唔會遮咗雞味，個人真係鍾意！西檸雞呢到就話你知，個汁夠晒kick，鮮甜中帶微微酸香，又唔會太濕答答，肉質炸到外脆內嫩，諗起都流口水。跳過海鮮類，講吓個三色豆腐。豆腐軟滑，魚滑同蝦膏都鮮味，一塊塊食落去簡直係清新代名詞。🌿最後嗰個石斑魚，簡直就係古法蒸得嘅教科書嚟！魚肉彈牙，又保留海味，蔥油香氣四溢，食落有種回到傳統茶樓嘅感覺，正！個壽包就算啦，平平無奇，但係吃這餐飯嘅心情已經夠曬好，真係食得開心，食得滿足，來到這家店絕對值返票價！👍🎉

因前一日揾食肥華，又因衰貪試新嘢，在鳳德邨一間新開酒楼同靚媽飲咗餐極不滿意早茶，仲要靚媽埋單俾錢，8月25日颱風馬為靚媽帶來可以遲兩個鍾返工嘅優惠，肥華就和佢在住處商場呢間酒楼，飲早茶，真係冇比較就唔知好，平時淨係覺得呢間酒楼嘅出品都係一般水準，如非貪方便就腳都唔會揀呢處飲茶，點知食過前一日個間新開酒楼嘅早茶食品，先發覺今朝在呢間新光所食嘅每一款早茶點心都係高水準之作，同昨日個餐相比真係有打邊爐同打屎忽嘅分別，令肥華對此店有另眼相看嘅必要

疫情爆發得最厲害嗰陣，身邊好多朋友都確診，有時會幫手買飯或者買藥比佢哋，有個朋友好鍾意食燒味飯～ 知道佢幾日都冇出過門口，橫掂都要買藥俾佢，就不如買盒佢鍾意食嘅叉雞飯俾佢，然之後自己就買咗一盒返屋企食大概$40左右，就有呢個兩個燒味嘅叉雞飯，份量絕對都唔少，叉燒軟淋帶少少焦香，切雞嘅熟到啱啱好，夠晒嫩～ 最欣賞嘅係佢哋嘅燒味部差唔多係密封得滯，所以都唔太擔心衛生嘅問題如果再有機會經過附近都可以買返盒：）

住在龍蟠苑，如果吾想為餐早茶，嘥腳骨力，呢間酒楼係苑内居民唯一選擇，雖然佢係獨市生意，都冇持寵生嬌，食物都有一定水準，收費亦係合理價錢，所以能在此屋苑内矻立多年，累積一班長期捧場茶客，所以平日星期一至星期五，早侯時段揾位較困難，反而星期六，日及公眾假期，呢類假日此店的，早晨孖寶及其他食品，都比平日貴2，3蚊，就會少咗一班精打细算的長期茶客光顧，反而容易咗揾位，所以我和靚媽都鍾意，在假日到此店嘆早茶食點心，雖然價錢係比平日貴少少，但慳腳骨力，和時間或車錢，條数都係番道。

今日同同事食farewell lunch，我地講左好耐想飲茶，今日終於齊腳一齊食飯～我地5個人瘋狂叫點心，其中燒賣、叉燒包、粉果、煎釀茄子都幾出色唯獨係腸粉、炸兩都好糯，唔夠爽滑。酒樓嘅衛生都麻麻，有陣時啲點心會黐住啲點心紙，睇到都唔夠膽食

最差就係個焗魚腸，最正就係條形碟龍躉。限聚令實施下與兩位好朋友專誠走進龍蟠苑的新光海鮮酒家共晉晚餐，點了兩個孖寶套餐加小食，職員服務和餸菜味道唔錯，值得再次光臨。

新光酒樓係屋苑茶樓，都有唔少老人家常客。龍蟠苑近日有人確診肺炎，令到少咗人去茶樓食嘢。我因為要去附近辦事處，所以順便食個午飯。新光嘅點心質素同服務就麻麻地，不過價錢比起其他連鎖式酒樓或點心專門店便宜。千絲蘿蔔酥- 唔熱嘅蘿蔔酥。口感過硬，蘿蔔餡料份量唔多，味道尚可。百花釀魚肚- 呢個點心味道太鹹，完全食唔到魚肚同蝦滑嘅原味。蝦滑應該加咗唔少肥豬肉落去，冇蝦味。燕麥流沙包- 唯一嘅推介！流沙包新鮮蒸起，食起上嚟軟綿綿嘅，內餡奶黃味道豐富，有淡淡的鹹蛋黃香味，質感非常流心，食嘅時候要注意，小心辣親。八星點心拼盤- 拼盤唔差，有蝦餃、燒賣、叉燒包、素翅餃同千層香芋糕。樣樣都幾好食，香芋糕做甜品作一餐嘅完結好滿足。雞絲粉皮- 醬汁係芝麻醬，少咗一份鹹味，令味道失衡。如果加啲醬油，應該會好味好多。

#大哥 一家上星期去咗 #旅行，掛死#爺爺 同 #嫲嫲 喇！好在 #大哥 都識做，一返到 #香港 就約埋 #屋企人 去 #飲茶，當然唔少得 #大姑姐 我果份啦😏 仲以為 #星期日 去 #飲茶 要有排等，點知 #大嫂 好醒目，一早就打定電話去book位👍🏻 #小秘書 唔使同啲 #阿伯、#阿婆爭位坐🤪呢間「新光」開喺 #鑽石山 #龍蟠苑 已經有一段時間，我估就只有附近街坊先識嚟幫襯。齊人嘅時候已經1:30，未食 #早餐 嘅 #小秘書 已經餓到一個點😅 唯有努力叫多啲 #點心 填飽個肚😁 以 #屋村酒樓 嚟講，「新光」嘅水準都叫做唔錯，尤其抵食有滑滑嘅 #豆腐花、材料豐富嘅 #水餃🥟... 仲有$58嘅 #豉油雞窩米線，都係好抵同唔錯嘅選擇。不過呢次仲比我發現多一款，就係佢嘅 #奶黃包，係流心㗎🤩而且奶黃好香口😋 唔錯唔錯☕️

香港人工作繁重，不時餐餐匆匆了事。如我都難以碰上一盅兩件悠閒時光。難得今天早起，伴家中長老到到新光海鮮酒家嘆早茶，與我以往記憶相違，如今新光開1揚光猛，枱與枱之間竟還保留足夠空間，呷一口茶，翻一頁報紙，美哉!枱上棉花雞入口香濃，豬皮入味，香菇伴隨點點雞湯精華，珍珠雞足料札實，而牛肉在喼汁點綴下更是勾起往日味道。即使多忙，也應學得忙裡偷閒，抽點時間，不妨與家人來點珍貴而舒服的早茶時光，充滿力量後再上路。

父親節同翻屋企同家人食飯，他們揀咗附近嘅酒樓！因為之前訂咗位去到就即刻入得，大概6點半到，可能仲早未算太多人大時大節都無乜選揀嫁啦，叫咗個6人餐，應該夠晒我地5個人食上菜都快，菜式如圖！味道都可以ge，過得去啦。。。不過唔算好好食！不過叫套餐係無飲品包的，個餐裏面都無飯的 不過無計啦。。大時大節。。。所以總括來講，想近近地食餐飯嘅話都可以接受的！如果特登嚟食就唔洗嫁啦。。。哈哈！不過到我地走時就爆哂人了！

日前與兩位好友到西頁區郊遊遠足，由於行程結束時在北港，所以乘坐巴士回到市區再找晚飯。遠足後有點倦，想喝點茶提神，想座位較舒適，決定走到龍蟠苑的酒樓。我們到達時間尚早，還有很多空位，有點幸運。酒樓的職員很熱心，可能得知我們遠足後到來而餓，送上茶水，也為我們介紹餸菜，當然也接納了，真的有點餓。由於時間尚早，餸菜很快就已經送上。鹽焗雞(半隻)，鹽焗雞皮香香，雞肉帶點點鹹，脂肪與肉的滑度剛好，不算太老，以酒樓菜式，已經不錯。豉汁蒸倉魚，看似約一斤重，色澤鮮明，看來很新鮮，入口魚肉滑滑，魚皮香香，濃厚倉魚的魚皮味道，果然是新鮮，職員沒介紹錯。瑤柱蝦乾浸菜苗，湯底清清，瑤柱配蝦乾，令整個湯底帶著鮮味，白菜苗柔軟，帶著湯底的味道，清香清鮮。已是常來的酒樓，始終味道不變，雖只是一般的酒樓，味道和舒適，的確是個很不錯的選擇。

今次上班前約同事先食個早餐再開工，就黎左依間係黃大仙開業已久既酒樓。依家係香港地，飲早茶多數都會叫早晨優惠點心：佢地依度既特別之處係，早飯係可以劃或者直接自己出去拎。鳳爪排骨飯係我地三人既致愛，所以就一次拿了三碗，一人一碗飯蒸得夠乾身，配合埋排骨&鳳爪既油香，好味跟住到蜜汁叉燒腸：叉燒腸腸皮幾滑，但可惜入邊D料唔係好多，只可以話係可接受的份量。跟住叫左個煎釀茄子茄子賣相ok.而且碟面無油，可見佢炸得唔會太油，幾好食。到蠔皇鮮竹卷：鮮竹卷同其它酒樓既無咩分別，只係今次比較咸。潮州粉粿係我致愛：粉粿皮唔算厚，粉既份量都幾足，好食。鮮蝦菜苗餃菜餃既蝦好新鮮，無雪味又唔梅。菜苗都ok.食落好清新。鮮竹牛肉球：牛肉球雖然比其他酒樓睇落去比較細粒，但佢肉比較實，咬落去牛肉味比其他酒樓重，並唔係偷工減料。

舊同事生日，我地約咗係佢屋企附近嘅新光酒樓食晚飯～雖然係屋村入面嘅酒樓，估唔到晚市會咁少人見到體舊同事發現原來佢地就係因為覺得呢度坐得舒服，但啲嘢又好食喎～ 所以成日都嚟今次叫咗3個餐，即係有6個餸～ 再送埋糖水椒鹽豆腐呢碟係出色架～ 外脆內軟，一啖一舊，香味十足，次次嚟都必食嘅～燒味併盤 傳統風味，半肥瘦叉燒，有咬口，勁蜜味 豉油雞都係我愛嘅好味西檸雞好味到無得輸 呢碟擺係我面前，不知不覺咁俾我食哂，真係對大家唔住🙈 當炸粉遇上咸蛋黃，加上西檸汁，酸酸地甜甜地又有咸蛋嘅香味，係架！三色豆腐食完啲咁濃味嘅嘢，要食番啲清少少嘅嘢balance番～ 呢個豆腐蒸到剛剛好，滑嘟嘟～ 再配上蝦同菜芯～ 豆腐變得鮮甜蒸石斑魚蒸到剛剛好，好滑～ 蔥油爆到好香，聞到都好吸引～ 壽包中式生日飯梗係要個壽包啦不過個包包味道一般～