漁屋日本料理 (海寶花園) (已結業)

邊個話日式放題一定要出到旺角尖沙咀先有㗎? 大埔一樣有，仲要係質素高，排長龍。記住訂定位先，如果唔係都幾難有得食。刺身有好多選擇，有蝦，有三文鮮，有帆立貝，有赤貝，有蟹腳，有希靈鮮，有吞拿魚，真係花多眼亂!! 除咗生嘅魚生之外，仲有好多熟海鮮選擇， 有芝士焗蠔，炸蠔，燒海蝦。雪花牛肉鍋都勁有驚喜，好足料，有粉絲、娃娃菜！值得讚賞嘅係呢度嘅甜品選擇真係好多呀，粉紅佳人同焦糖燉蛋，仲要好好味，真係好滿足!