八方雲集鍋貼水餃專門店

營業中

休息中

突然戚起條筋想食下台灣嘢，呢頭附近係得呢間都叫台灣過江龍，以前食過其他分店啲鍋貼水餃都叫正路。諗住呢間都無衰嘅，點知大約7點半入到去，都幾百無下，酸辣湯都買晒，中途都聽好多食客叫嘢食，又係呢樣無嗰樣無。唔緊要，無咪叫過第二樣囉，如是者我就點咗招牌水餃5件+韮菜鍋貼5件，包杯嘢飲，我就揀咗個奶茶雙Q，點之前問佢邊雙Q，佢話椰果珍珠，咁就揀呢杯啦，$20飲品配餐唔使加錢。出咗餐之後都滿心歡喜，點知就睇到有螞蟻係立刻謝晒，唔知想點，佢係咪覺得我唔够蛋白質，想幫我加料?有拍片，但唔知點擺上來，不過影咗張相。