八方雲集鍋貼水餃專門店

營業中

休息中

嗌咗啲嘢食唔係重點，重點係以前會俾埋點醬料嗰個細嘅紙盤仔，我就問吓有冇得拎。然後就俾佢地好大聲喝依家冇架啦 冇呀。成班人係度吱吱喳喳態度好差。ok,然後我問大個紙碟拎唔拎得，佢地大大聲話收一蚊！好然後我唔要坐番低食嘢，我嗌咗個套餐有百香果雙Q綠茶，食咗七八個字，仲未俾到我，問佢地，就話仲未落單喎。真係激鬼死!之後終於等到啦，但係支嘢飲甜到乜咁，根本全部都係糖，完全飲唔落。然後啲阿姐仲喺度兜，話唔甜冇百香果味喎，支嘢飲冇得少甜㗎，又冇得走。態度勁曳，對顧客好串。以後唔會再幫襯。

突然戚起條筋想食下台灣嘢，呢頭附近係得呢間都叫台灣過江龍，以前食過其他分店啲鍋貼水餃都叫正路。諗住呢間都無衰嘅，點知大約7點半入到去，都幾百無下，酸辣湯都買晒，中途都聽好多食客叫嘢食，又係呢樣無嗰樣無。唔緊要，無咪叫過第二樣囉，如是者我就點咗招牌水餃5件+韮菜鍋貼5件，包杯嘢飲，我就揀咗個奶茶雙Q，點之前問佢邊雙Q，佢話椰果珍珠，咁就揀呢杯啦，$20飲品配餐唔使加錢。出咗餐之後都滿心歡喜，點知就睇到有螞蟻係立刻謝晒，唔知想點，佢係咪覺得我唔够蛋白質，想幫我加料?有拍片，但唔知點擺上來，不過影咗張相。

星期六係香港仔整完啲銀行野都1點，諗住係附近搵野食，最後揀左八方雲集，好耐冇食lu🙈1. 招牌鍋貼- juicy得黎又有脆脆底！好夾😆2. 招牌水餃- 如果怕熱氣嘅，就揀返水餃好過鍋貼🥟3. 大腸麵線- 依個係我嘅最愛，大腸唔會臭，好食啊！而且佢嘅麵線同我係台灣食嘅完全一樣㗎🩵4. 紫菜肉丸湯- 啲紫菜同肉丸異常嘅好食😋5.豆漿- 正正常常，唔太濃，但又未至於冇味😂不過如果有多一個選擇 -> 無糖豆漿 會更加吸引🙈

今日黎到香港仔食lunch，食左好耐無食過嘅八方雲集，天氣熱得濟🥵食食下都d蚊仔飛黎飛去🦟🦟叫左2 個set, 食佢嘅招牌鍋貼，味道正常，但如果佢熱d就更加好，上台只係常溫，感覺放凍左少少， 配上個肉羹米線，肉丸味道ok，但羹底有陣味，配埋唔算話好好食麻醬撈面本來以為係凍嘅，上台發現係熱嘅😨😨味道ok..係個貌相結左少少….天氣始終好熱，所以最後都食唔哂…跟餐飲品我最滿意，凍豆漿真係透心涼！百香果椰果綠茶有口感，唔會太甜！

Went for the lunch set that included a soup and a set of dumplings.Got a sweetcorn soup which was nothing spectacular, very average- but something that most definitely needs white pepper!Then got a portion of the grilled pork dumplings. Being served on a paper plate firstly felt very wasteful and also not a very proper for a sit down establishment. The dumplings were again very average.Not somewhere i would come back to again

今日冇帶飯返公司, 一個人出街食又唔係好餓, 仲要到左糧尾添! 就是但去左八方雲集啦, 平平地食幾隻餃子佢D套餐其實都幾抵食, 四十幾蚊有交易, 不過食十隻鍋貼/水餃真係會好濟, 其他麵食套餐對我黎講都係太多, 結果叫左6隻韭菜鍋貼, 份量對於細食既我岩岩好, 中意黎呢度食既原因就係可以隨意叫幾多隻鍋貼都得 (不過要最少叫5隻), 餓就叫多兩隻, 唔餓就叫少D, 長條形狀既鍋貼食得方便過傳統餃子形狀, 韭菜愛好者的我覺得佢D韭菜味都好足夠呢餐20蚊就搞店，真係糧尾恩物但香港仔呢間分店絕對有一個改善位, 就係衛生! !樓面好多飛飛小昆蟲呀, 上次黎食既時間都冇咁多架, 今次真係想快D 食完快D走!!

👉經OpenRice 訂咗2個鍋貼餐，夠鐘去攞好方便！.📌韮菜鍋貼餐 $38 追加招牌鍋貼 $15 ~ 鍋貼新鮮即煎，微焦脆口熱辣辣，餡料正常。點埋醋、辣醬更好味😋❌呢度嘅酸辣湯係自創嘅，啲料奇奇怪怪，芽菜、紅蘿蔔⋯都算，味道並唔係平時飲開嗰啲味，總之就係～伏❌📌韓式辣味鍋貼餐 $40 追加珍珠紅油餛飩 $14 ~ 即係泡菜鍋貼，咬開成隻滿滿泡菜，酸酸辣辣超惹味，一食停唔到口🤤。珍珠紅油餛鈍略嫌hea做，紅油唔覺有、亦冇乜味道，一定要另加調味！

平時都好鐘意食八方雲集既鍋貼覺得招牌 韮菜 泡菜鍋貼都好食但今次堂食呢間 覺得唔好食我叫左個辣味泡菜鍋貼套餐 有10隻鍋貼加1杯豆漿or湯 $40鍋貼方面 佢d鍋貼煎得好濕 個皮唔脆而且係5隻一排咁痴埋一齊....用筷子分開就成隻爛哂.....又唔夠熱....唔好食既...杯豆漿就太甜佢堂食都係用外賣紙杯 紙碟同筷子 好唔環保...而且賣相好差環境方面 我覺得佢個感覺好污糟 d枱凳同地下都好似無清潔咁...食得好唔舒服

吃過東北的餃子，很難回頭。何況是家連鎖店? 是約了人，時間卻還早，抬頭看到的就是八方雲集，便姑且一試。店子裡人不多，可能未到午市。我點了客招牌水餃套餐（＄38）和凍黑糖椰果奶茶（＋＄3）。等了約10分鐘，餐送到。水餃有溫度卻非熱辣辣；奶茶則有很多冰冰。這個套餐賣$ 41，只堪填飽半個肚子。水餃皮較厚，一般吧！餡肉少，咬下有一點肉汁，幸好味道還可口。蘸汁的黑醋沒有香氣；欠缺味道…失敗！凍奶茶黑糖味道濃郁，可惜只有一點，呷一、兩口後已沒有。茶沒有奶香，還好粒粒椰果增添口感，甜度還不錯。看到姐姐們努力包餃子，疫情之下沒戴手套。八方雲集未見各路英雄，只有服務員操著五湖四海大江南北的怪腔怪調。竭誠招待；態度友善。可惜不諳時務，給紙巾叫顧客自己抹枱。入耳只有人聲；出口難免怨言。

呢日小弟想食水餃鍋貼之類嘅嘢，就諗起八方雲集喇！小弟最鍾意八方雲集嘅一樣野，就係鍋貼係即叫即煎。就算唔係即刻整，你食果下佢都仲係熱辣辣！鍋貼食落去外表好脆，個皮唔太厚，裏面亦都好多餡料。至於隔離個貢丸湯都係熱辣辣，食完鍋貼飲返啖湯濕下個口，滿足

今日晏晝要自己一個食又唔知食咩好所以我就落街行見到有一間八方集就諗住買返屋企食其實我已經好耐冇食 不過我都依舊叫你一個韭菜餃同埋呢個大腸柯仔麵線果然冇令我失望非常之好食

我是個酷愛餃子的人，特別是香口的蕉餃。在香港仔要找煎餃，我相信只能在「八方雲集」是最方便，最平。心癮起，所以就走到這裡吃個簡便的晚餐，順便等LAM小姐。12. 勁量鍋貼麵線套餐 HKD 42.00因為我都會轉做辣味鍋貼，10隻的話要加HKD 5.00。先說辣味鍋貼，這是我在「八方雲集」最喜歡的煎餃。平時都會買外賣的我，今次吃到堂食的。外賣的煎餃會因為倒汗水的問題，沒有脆脆的口感。而堂食就有，外皮被煎到香脆，配上熱辣辣的餡料，好味。大腸麵線OK，不過就有點像吃粉漿，麵線沒有太多，只是粉漿太厚。另外，大腸是好味。不過雖說是勁量，其實食完也不會太飽。辣味的煎餃是最好味的，雖然衛生情況就沒有太大改善，但為了這個煎餃，還是可以忍受。

其實間唔中我都好鍾意去八方雲集度食嘢因為又快而且質素都唔錯又夠平我自己真係好鍾意麵線套餐因為覺得佢個大腸柯仔麵線真係好好食而且啲鍋貼都10分唔錯 煎得夠香脆 而且啲餡料又香

我同LAM小姐的約會，真係十年都不會變。吾係食譚仔就係八方雲集，又或者最多去食越棧。雖然成日重覆，但其實也是快樂的約會。當天放工，我地原先相約到「譚仔」晚餐的，但因LAM小姐太飽，改吃「八方雲集」。前文提要，呢間「八方雲集」衛生認真麻麻。這次再來，都是沒有改變呢，都係不太乾淨。滿地下都是垃圾，而且檯面又是有點油淋淋…所以我較喜歡外賣。但是快餐，那就算了吧，快食快閃人。今次我點了 10. 麵線套餐 HKD 36.50剔好order 紙遞給店員，食物好快就到。首先來的是大腸麵線因為不久前去了台北，吃阿宗麵線回來，再吃回這個「八方雲集」的，真係感到唏噓，嘴被養刁了。雖然不是難吃，但同台灣的麵線比，真是一個天，一個地。說回「八方雲集」的大腸麵線，其實也不差，但是就比較稀。麵線的份量比較少，而湯就多。但味道是惹味的。大腸是我喜歡的，因為大腸好味，夠香，又有趙口！韓式泡菜鍋貼 5 隻堂食有一個好處就是，鍋貼仍然keep到香脆。至從試過辣味之後，我就再沒有吃回原味鍋貼。鍋貼即叫即煎，外皮煎得香脆，而肉餡又熱辣辣，好味。飲品我揀了酸梅湯，但極之難飲！好似係一般的酸梅湯溝左水，味道很淡…不過整體都OK，

收工趕住返屋企執行李出發✈️✈️✈️食個快餐。同埋爸媽去食八方雲集。叫左三個餐，加埋三十隻餃子。5隻招牌。5隻咖哩。10隻韮菜。10隻辣味。一碗酸辣湯一碗麵線再加兩杯野飲。盛為$125都係覺得咖哩最好味。酸辣湯普普通通。麵線可以。但當然無得同台灣果啲比啦。想平平地食個晚餐。呢到都係個好選擇。Btw,究竟幾時先唔用即棄餐具呢？